有無人著過superwarm?

我o係香港有著開羊毛底衫﹐但怕加拿大太凍頂唔住﹐所以特登買左兩件Superwarm禦寒﹐o個時買都幾貴架! 我第一次著... 先著長袖底衫﹐再著長袖Superwarm, 外加厚冷衫一件﹐大褸一件﹐諗住會好暖啦... 點知出左街又係凍到震震下。
初頭諗住加拿大天氣太凍﹐有Superwarm都未必得﹐就改為o係屋企當睡衣著睇下得唔得。當時室溫大概6度﹐冇風冇開窗﹐著住Superwarm都唔覺得特別暖囉! o係屋企又係要著褸!
後來我同d friend去內陸滑雪﹐帶埋Superwarm去試﹐著左一日件衫污糟﹐所以第二日我著普通絲襪底衫... 個分別簡直係冇分別! 完全一樣! 我仲拎左我個friend件“Verywarm”(老翻Superwarm﹐$100兩件)著﹐效果係:

質素: Superwarm = Verywarm = 絲襪底衫
價錢: Superwarm > Verywarm > 絲襪底衫 -___-


我返香港去d舊式校服鋪買返件正版羊毛底衫﹐暖過Superwarm﹑平又平過佢﹑暖又暖過佢! 不過買左返黎又覺得冇乜用﹐因為室內全部有heat, 換衫好唔方便。
係咪真係好暖?
絕對唔係!!!

會唔會周身痕?
唔會﹐佢隻料都幾舒服﹐不過好易起毛頭﹐又易“where”
有咩評價?
又平又靚買件絲襪底衫好過﹐起碼可以襯衫打底!
唔介意洗錢的話﹐我寧願買件靚棉羊!
其實視乎你去邊啦... 如果o係香港﹐依類保暖內衣係ok﹔但去北方﹐室內全部開晒heat, 連巴士都開heat! 著住件咁暖o既底衫﹐熱死都未天光! 最慘o係巴士冇得除衫! 所以不如買件靚d﹑擋風d o既外褸好過! 熱可以除褸﹐帶定條頸巾包實條頸﹐包你全身暖晒!^^

2006-12-16 10:18:12 補充：
Loire: 我對Superwarm都再冇野好講... 只可同你講句: “give me five!”haha

唔講得係"暖", 只可以講係"焗"囉!

我住在香港，我完全同意上面的monique，講中我的心聲!

我在它最最初出時已經買了2件，得個貴字!! 買來巴鬼!! 提起就一肚火!!!
同普通長袖T-Shirt沒有分別，比普通長袖T-Shirt更易起毛粒添!
我當初以為貨如其名(superwarm)，我買個日好凍，我即買即穿，怎知道感覺就像穿多了一件T-Shirt，沒有我想像中暖，個日我凍到震。

後來我當它睡衣T-Shirt穿但又覺得佢好緊，睡覺好辛苦啊! 點解我要買咁細Size?! 因為個Sale話要好貼身先至夠暖wo...

反而買可以貼在衣服上的暖包好過，雖然不是暖全身，起碼貼在心口可以暖在心12-16個小時呀!

2006-12-17 08:23:56 補充：
好似今日咁凍的天氣，我就用緊暖包啦!

痕就冇,不過又不是好暖...
你是女仔嗎? 不如試下 b minor or 吉之島有隻紅外線保溫個隻(不過,呢隻我就覺太焗,有點熱..)