✔ 最佳答案
藍籌儲蓄計劃係,你將錢存入銀行,銀行會將你D錢(夾埋其他人既錢一齊)幫你買你指定既藍籌股,咁響你既戶口裡面既,就唔係錢,而係幾多股(幾多點)既藍籌股.
其實係類似基金既野,所唔同既,係藍籌儲蓄,存既係你指定既股票點數(股數),而基金呢,係存基金點數,但係基金裡面有乜野股票,唔係由你話事.
同一般儲蓄計劃既分別係,一般儲蓄就係你存$1去銀行,你就有$1響銀行,銀行會按時計息俾你,戶口既變化就係存款本金加利息.藍籌儲蓄係你存$1,如果股票升,咁你響銀行所存既"本金"就變成多過$1,如果趺,就會變成少過$1,利息係股票既股息,如果唔派股息,就冇架啦.好處係你等於將D存款變成投資,回報可能會比存現金高(股息+股票升值),缺點係有風險,因為股價有機會趺既,而且銀行亦會收手續費.