✔ 最佳答案
聽你咁講可能只係 IE 設定問題, 做少少野睇下有無幫助
首先入去「網際網路選項」响「一般」版塊中間有 Temporary Internet files
1. 刪除 Cookie (不過如果你有啲網頁記低左登入密碼刪除 Cookie 就會無左)
2. 按「設定」, 响下半部「使用的磁碟總空間」右邊改為 64 MB, 然後按下面「確定」
跟住去「進階」版面, 响下面搵「安全性」, 應該尾二果個係「瀏覽器結束時清理 Temporary Internet Files 資料夾」剔左佢, 然後按下面「確定」
Temporary Internet Files 資料夾作用係記低晒你上過嘅網頁嘅圖片檔案同其他資料檔案, 原意係當你再去番相同網頁時佢會比較網頁內嘅圖片或者資料案係咪較新, 如果 Temporary Internet Files 資料夾裡面已經有相同檔案而網頁又無較新版本咁就唔駛再由網站下載, 直接由硬碟提供, 以前行 56k 就有作為, 而家個個用寬頻根本攞嚟做, 反而如果儲埋大量呢啲檔案就會令到 load 網頁時間仲耐, 因為要等佢用「時間」去比較檔案, 乾脆每次清, 每次上網重新 load 過仲快
另外我建議你定期刪除 Cookie , 因為好多廣告網站或者做市場統計果啲網站會放 Cookie 嚟 Track 住你啲上網紀錄, 每次你一上網佢地就同時運作霸佔頻寬, 搞到 load 網頁仲慢, 其實最好去「隱私權」入面設定封鎖佢地放 Cookie 就最理想, 我嘅經驗安裝 Ad-Aware SE Personal 版, 掃瞄之後佢會話畀你知邊啲網站放 Tracking Cookie, 咁你就去封鎖佢, 講真呢樣野真係要用時間去經營先可以一勞永逸