我鍾意左一個女仔

其實要一個女仔鍾意你,最緊要係令佢感動,就算一開始佢唔係鍾意你,但如果你可以感動到佢,佢都會越來越鍾意你架!

但係就要預左需要一段長d o既時間,事關你係令一個原本唔係好鍾意你o既人變到好鍾意你。

1) 首先要無時無刻都好關心佢,而且不計回報。

2) 每日一電話or sms,只係關心說話就ok,唔好好煩呀。

3) 如果佢要同你傾計、傾心事,你要耐心做聆聽者,比忠肯o既意見。

4) 佢生日、情人節送花(不過唔好親自送,要o係同學面前叫人送去比佢,要加一張咭,只要講"生日快樂/情人節快樂,希望我可以同你慶祝!關心你的人上,然後即刻打比佢問佢可唔可以同佢慶祝)

5) 佢病你又會多d問候佢,帶佢睇醫生,買粥比佢食...........

****總之你要由關心佢開始,比佢知道你係好關心、好緊張同在意佢,唔係為左同佢一齊先咁做........

加油呀!!希望你會成功!!

哇！！！人地同你講你鍾意邊個，你就答鍾意佢，係人都覺得你係度玩野啦，佢又邊知道你真係鍾意佢喎，如果係呢個情況下，係msn裏面，如果你真係想比佢知道你真係鍾意佢嘅話，當佢問你嘅時候，你就確實地咁同佢講，千奇唔好玩野，唔係嘅話，佢真係以為你係度玩野；第一次唔得，佢唔信，講第二次，第二次唔得，講第三次，超過五次後，佢再唔信你，你就唔好再講，因為咁樣佢都會覺得你係度玩野，咁呢個方法就唔suitable for you了，咁你就要用第二個方法了。其實實不相暪，我都係F.2，我都鍾意咗一個女仔，由F.1巳經好鍾意佢，但我係F.1時，我都冇咩野感覺，只不過對佢有好感，但而家會再鍾意D，而我冇真正同佢講我好鍾意佢，我只不過係一D地方暗示，但唔係直接咁講，我相信佢都知嘅，之後我都冇再理，因為我好唔得閒，要讀書溫書，我諗呢D方法應該好D，因為我始終知道學習時期唔應該講『鍾意』呢D野，因為我覺得有時係讀書時期，你係唔一定知道自己係咪對人有『好感』，定係真係『鍾意』，呢樣野我可以話係肯定，一定會好模糊，所以最好唔好搞，所以我都冇咁做，也冇諗。

同佢表白!!!!!!

http://xomibid4.myweb.hinet.net/8.htm
一定可以幫助你

其實我地d女仔需要既野係好簡單嫁!!只要你俾到安全感佢..咁佢就會慢慢咁鐘意你嫁啦!!我記得以前有個朋友都好似你咁嫁!!佢而家仲同緊個女仔拍緊拖添..所以最重要既係你要俾安全感佢呀!!等佢知道你係可以保護到佢既!!明唔明呀@@?

講真，如果你所講果d都做哂，而佢又唔鍾意你，咁樣真係冇乜辦法
話唔定，佢可能當你只係一個好好既朋友，而唔係男朋友，對你完全冇feel
仲有，你喺MSN咁樣同佢講，佢多數都當你係講笑咋，你估佢真係咁易信係咩......

其實，兩個人本來係不合，就冇咁易行得埋架喇，呢d野冇得勉強架

搵 日 試 下 約 佢 出 黎 講 清 楚 啦 !
其 實 你 要 慢 慢 黎 架 `

你試吓約佢出街同佢表白..............