點同男朋友屋企人講野...

其實我覺得兩睇
你同佢屋企人唔熟，講真唔係每個人都可以見到d 唔熟既人都可以好似平時咁有講有笑
夾硬黎真係好辛苦，仲要唔知講乜，講錯仲大鑊....

但係咁，你見得佢屋企人，我估你都想同佢一世掛
如果係咁，你同佢屋企人既關係真係要有返咁上下先會好d
你諗下~ 你都想你屋企人鐘意你個男朋友架麻 ^^"

其實有時唔係一定要係咁傾計先叫做好，最緊要感覺舒服
但係有時真係要做下主動，例如食飯可以幫下手囉野，入屋叫下人，有乜講唔該咁
目的其實係要大家無咁大隔膜，其實人地媽咪都可能唔知點同你傾計
你令到佢地覺得你係容易親近既~ 唔需要特別搵話題，你地自自然然會有野傾 ^_^

但係要注意，你一定要同你男朋友講喎~ 因為你地應該要有共識，你同佢解釋下如果夾硬黎會令你自己唔開心，你地大家關係好既~ 一定會明白你架

最後其實大家既關係唔係淨係睇今日或者呢個月或者今年咁短時間，係睇長時間既~
所以大家互相坦誠，互相尊重，咁先生活得開心麻~ ^^

你應該要同你男友討論呢個問題, 否則到結婚時佢父母會反對, 其實你男友知你唔係太鐘意講野既話, 應該每次同佢屋企人見面時幫你搵話題!!

感佢叫你上去佢屋企係想你know佢d屋企人 同呢個係一個名份 你應該開心

其實我同你都幾似. .我係一個被動&慢熱o既人. .我同我bf都拍左拖2年幾..開頭我都好似你咁諗拍拖係兩個人o既事..但係我諗返「如果佢黎我屋企..我阿媽又係話佢唔出聲..咁點好呢..」「可能佢阿媽冇開口話唔鍾意..但係個心唔係咁諗..咁點算呀!!」如果你連佢阿媽唔鍾意你都唔介意o既話就唔洗改la..如果唔係夾硬黎都要改ga喇..不過慢慢黎lor!!
你可以試下一見到佢阿媽就笑住(四萬咁口)叫佢antie..佢講野..你就懶留心咁聽佢講..唔答咪笑住咁點頭~係呀~~哦~好呀!咁lor..有位咪攝lor. .假d都要ga 喇..走o個陣咪話「antie~走喇..下次約你飲茶la」唔好理佢當唔當真..總之就講左先..慢慢就慣ga喇...佢地對你唔差o既話..都唔洗咁驚同佢地講野丫..

雖然答得好敷淺. .but都希望對你有少少幫助la!!^^

你有無同你男朋友講過呢個問題*
我認同你架,因為拍拖係兩個人既事*
但你諗下喎,第日你地結左婚,都要對住佢屋企人
唔通你地真係搬出去住咩
你肯你男朋友都未必肯啦*
我有一點唔明,點解佢要迫你同佢媽講野**
我都明白你既,你性格本身係內向
所以好少會主動同人傾計先
但係你要明白, 內向既性格唔可以用於每一個人
你對朋友可以做被動, 對男朋友都可以做被動
但係對佢家人就唔得囉
呢個世界唔係話你唔鍾意就可以唔去做
你問心你愛唔愛你bf
愛佢就要接受tryto做主動
一黎當為日後打好關係
二黎當為左你男朋友
因為佢都好難做*

你咪同他傾清楚,如果他唔ok
咪分手lo~

我覺得你應該問下你男朋友想自己同佢牙ma 講d乜野(咩話題) , 否則牛頭唔答馬咀, 可能會有反效果

或者你男朋友既男朋友媽媽的確有d唔係幾合情理...
有嘜理由要迫自己個仔個女朋友同自己講野??!!

其實都唔係d咩好嚴重既野黎嫁姐
你可以試下改改你內向既性格
or同你男友傾傾啦...
其實要改變自己切合人地就真係唔係幾好既
做返自己先係最重要
但係內向又的確唔係話一個好好既性格
所以改善一下都無妨,或者你變返主動少少會多d朋友呢 =]

2006-12-15 16:47:11 補充：
sorry...更正:::第一句: 或者你男朋友既媽媽....

換個男朋友囉。