讀女校的好處&壞處

我會叫你讀男.女校
至少心理會平衡.
讀女校ga好處:就係唔會成日俾阿媽話你掛住拍拖令到成績差.同埋一班女仔可以講d是非咁.
壞處:可能會俾女同性戀者搞你,
會被人分歧,會俾人玩.(x你裙底)(整你件衫)
會好后悔冇男仔朋友.
自己ga性格都可能會轉變,變到不男不女.
越係名校就越恐怖.
呢d都係一d讀女校ga人同我講.
我聽完都心寒.
我自己本身係男.女校,
佢ga好處:自己會似埋一個正常ga女仔.可以like人,或俾人like,
去旅行,d男仔會拎野,因為怕女仔辛苦,係女校就冇呢樣野.
男仔唔會好小氣,就算有d野唔啱講,最後都係會冇,就唔似女仔,咩都記一餐.
我講咁多野,你自己應該有決定啦!
再慢慢諗下,應該仲有幾個時間俾你諗.
決定左,話聲我知.

女校好處﹕
1. 每月唔小心整污糟都唔會咁尷尬
2. 學識獨立d，事事親力親為
3. 可以專心讀書，唔會咁多男女關係
4. 無男女歧視，女仔可以發揮更好(後來轉男女校發現主席果d通常男做，女只係從旁協助)
5. 上pe堂可以成個操場霸晒

壞處﹕
1. 易有小圈子
2. 由於無男仔可能變得粗魯(不過我覺得睇個人)
3. 可能變得同男仔唔識相處
4. 易有同性戀疑惑

暫時諗到呢d，再有就補充啦。^^

2006-12-16 00:12:54 補充：
睇你讀邊間女校，我間女校絕無人揭你裙底，亦無女同性戀搞你。至於男性朋友，響大學識好多。你最後點選擇唔係問題，但係一間正常女校唔會有d咁o野。

而家你讀緊係女校? 抑或係男女校?
我自己係女校出身
我當然建議你讀女校
女校無咁多識男仔機會
(識男仔唔一定要係學校)
可以專心讀書
女仔之間, 無男人爭咪爭成績囉
爭爭下, 成績自然好
有D人話女校出身既人係同性戀, 心理變態
我到而家幾十歲人都係鐘意男人
我係異性戀, 唔係同性戀
讀女校既人有同性戀傾向係無根據既
性取向係天生
唔關讀女校定男校

至於心理變態
亦都無根據
心理變唔變態係關乎呢個人的成長環境, 家庭環境
一樣同讀女校無關

讀書其間拍拖真係唔多唔少會影響成績
話完全唔影響到係騙人

讀女校壞處就係個個係女仔
有時想搵人幫會難D
(有D男仔有正義感, 見到女仔求助會出手幫忙, 大家女仔就未必會幫你)
讀女校, 如果想識男仔就會難D
如果你想搵男仔拍拖咁就真係唔好讀女校
而且讀得女校太耐
出來社會做事,
在工作間, 一定會有男人同女人
讀女校的人未必會習慣同男人溝通

如果你問我呢個老野
我當然係主張看重成績果邊
咁細個唔好拍拖
讀女校專心D
考好D成績, 第時可以讀大學

但係開明D講句
乜都係睇你的興趣
如果你唔想咁早拍拖, 想專心讀書咪讀女校囉
但如果你想早D試下拍拖
咁就要讀男女校

你自己想點樣係好重要

讀女校好處 , 有女溝
讀女校壞處 , 無仔溝

我自己係讀女校嫁!!
讀女校幾好多!!校風多數都好d~
可以開放d都唔驚,黎m果陣整到,又唔會尷尬~
又多d fd,讀書仲會專心d添呀!!
就係冇得同男仔玩lo~
同咪要睇下你讀邊間??
有d女校超多TB,有d冇咩!!我果級就有幾個,見到都眼冤~

男女校,正常就唔會有人TB lo,有都少~
吵d lo,同咪有時幾尷尬下~
會成日諗中2呢個中2果個,唔專心~
又成日講是非~
容易比男仔玩...d校風比女校or男校係差d~

其實我個人覺得女仔係好嫁!!
不過決定權都仲係你手上...希望你唔好後悔你自己ge決定~