請問有關股票既問題...

2006-12-15 10:52 pm

本人是新手，想請問各位…..

1.我想響交通銀行度開個股票戶口呀，請問係咪就咁入去排隊同職員講話開就得架啦？
2.如果想認購新股，係交通銀行既網度認購駛唔駛手續費架？如果就咁排隊攞白表填去認購又需唔需要收手續費架？
3.抽到股票先至扣支票既銀碼定係抽唔抽到都會扣數架？
4.如果抽到新股，之後要點做呀？聽講好似有張證書會郵寄俾抽中既人….？
5.如果想沽出股票既話，應該要通知邊個呀？通知咗，咁我仲要做啲嘜架？
6.沽出係咪即時沽出架，定係要等3-4日架？... 如果係咁，個價未唔同左囉？
7.沽出咗既錢會幾時俾返我架？會點樣俾返我架？
8.如果想買現有市場既股，可以點去買呀？想沽出，又要點做架？
9.咁既買賣，係咪要好多琳琳種種既費用要俾銀行架？
10.點樣可以即時知道自己手持隻股升咗定跌左呀？

十萬分感激﹗

回答 (1)

[匿名]

2006-12-16 12:41 am

✔ 最佳答案

1. 係去排隊同職員講話開股票戶口, 必須帶活期存摺和身份證.存摺內必須有幾萬元.
2. 認購新股, 不論網上或交白表都要手續費.
3. 抽唔抽到都會先扣數, 一兩星期左右就會退回抽唔到的銀碼.
4. 如果抽到新股, 如交白表的是會郵寄股票給你(好似張證書), 如係網上認購的話, 你的股票戶口內會有抽到新股及數量.
5. 如果想沽出股票既話, 如是交白表抽到的股票, 就要將股票實物((好似張證書)交給銀行或證卷行, 由他們代為沽出. 如係網上認購的股票, 直接係網上沽出.
6. 沽出的股票, 如是沽出股票實物的話, 就需幾日. 如係網上沽出股票就即時.
7. 沽出咗既錢要再等多兩三日. 如係網上沽出, 也要等兩三日才存入活期存摺, 但可即日動用這筆沽出的錢買其他的股票.
8. 如果想買賣現有市場既股票, 必須係證卷行或銀行開個股票戶口. 係證卷行或銀行內買賣股票, 或係其他地方(家或公司)上網買賣股票.
9. 買賣股票必定要扣一些費用給證卷行或銀行, 如佣金, 印花稅.....
10. 想即時知道自己手持隻股升咗定跌? 有好多途徑得知: 打電話給證卷行或銀行(當然需用帳號和密碼); 係證卷行或銀行的股票機查閱; 係網上查閱股票....
希望以上可以幫到你.

👍 0 👎 0