我只係想知道...

互有好感真係未必要開始,唔開始原因有好多,例如已婚,欠債唔想累人啦,只係喜歡但睇唔到有將來啦,自己未定性見妳唔係玩玩下,唔想害你啦,對方受過情傷無勇氣啦,同時鍾意幾個選擇緊啦...要講都講唔哂,妳覺得開始好簡單,對方可能考慮好多。
可惜就好難講,少少啦,人越大互有好感越難,因為考慮和要求多左,無拒絕未必唔開始,係探索期,咁講明唔開始,就唔係互相鍾意對方啦,觀察耐d好既,認真對待感情嘛

首先要看[互相鐘意對方]到甚麼程度 ….
如果程度是想開始下,想抱一下對方或被對方抱,想甜蜜一下,不求一生一世,咁….唔開始真係有d可惜,因為火花是一觸即發,一瞬即逝.
如果程度是真心認定對方係唯一的對象,現在不開始,一點也不可惜,因為只係緣機未到,唯有等一下.其實等的過程唔一定痛苦.互相思念是令一種情趣;大家也會更珍惜相處的時光[開始了後你就會好易覺得幸福或對方對你好是必然的…].況且,等得到的喜悅是非常大的,十分值得!
如果你唔sure自己或對方的程度,唔開始就更加唔可惜,因為大家都未想清楚….

會有點兒可惜架！
但係點解唔開始呢？
係無信心定係其他原因？

機會錯過左就無架喇！
有d人窮盡一生都搵唔到鐘意ge人，
你遇到點解要唔開始？

無人保證一齊後會點，
未必開心也可能好開心，
但都要你先行出第一步架！

之後點都好，
起碼試過就無悔！

感情ge野好微妙，
到感覺過左你想開始都無晒火花！
或者佢鐘意左第二個你一定會勁dum心口！

咩都唔好諗，
捉緊現在吧！

其實拍拖唔係淨係話鍾唔鍾意就得。
好多野要考慮架。
最緊要係你地夠唔夠成熟「一個人」處理問題？
譬如拗完交你肯唔肯主動講對唔住？(無論係咪你錯)
你地有無一樣既嗜好？一樣既信仰？一樣既人生目標？
實際d講句，你地有無錢？(唔使有錢到有遊艇出海，但起碼有一排會晚晚出下街食飯或者手機傾爆少少分鐘你都唔係太介意先講)
你地襯唔襯？唔襯既話你地可唔可以做到唔理其他人點諗？
接唔接受到對方既過去現在未來？

如果呢d唔諗到最後實分手收場仲通常不歡而散tim
搞到自己唔開心有咩為呢。

係架..
所以有時都應該要主動d..唔好怕羞..
情願到頭來佢end up直接同你講唔鐘意你至算...
以免終生抱憾