點解咁難借錢，想問邊間易d

香港大部份領正牌的財務信貸公司都係用電腦評分,d職員或者經理理論上係冇權決定借定唔借俾你,而評分基準首先會睇你有冇破過產同壞賬記錄,如果有舊數未清,就唔使諗,如果只係一般遲還款,會扣少少分,但影響唔大,其次,會睇你有幾多數係身,如果係你入息八倍或以上,機會率又會細d,然後會再睇你出糧方法,有冇強積金或者稅單,係咪autopay出糧,你乜都冇,自然又扣分,其次,居住的地方,學歷,都會計算在內,仲有,你每填表借一次錢,無論借唔借到,中央信貸資料庫都有記錄,你在三個月內試得愈多,愈會借唔到,,,
如果你一定要借,可以搵agent幫你同呢類公司借,但佢地會收charge,大約10個%,佢地借到的機會比你高好多,
你要呢d資料可以email俾我.....
但講真,你咁後生,如非必要,建議你唔好先洗未來錢....因為我是過來人

你這情況相信係你的信貸紀錄,已經受你遲還或現有的貸款資料影響,所以好難借。
與其向出面要審批的機構借,倒不如向信得過你的朋友借好過。

過往還款記錄係好重要, 老實講, 你响一問財仔借錢, 你以為其他財仔會唔知? 緊係唔會啦, 同行丫痳, 要起一個人以往借錢既底話都無咁易啦, 而且你之前既信貸記錄都重要, 有無信用咭, 有無欠過銀行, 財仔錢, 欠過幾多日, 一check 就知啦, 通常大財仔都用電腦+人肉計分, 所以點解你借唔到之後, 去第二間都借唔到, 因為人地都知你去過邦民借, 俾人拒絕左. 所以借錢記得準時還, 唔係想返頭借都難! 你越去得多間財仔問, 你個底就越花, 即使拒絕左都有記錄, 又係一check就check 到, 所以你不如試下去d 細少少既財仔試下, 因為你借個數唔係大.

= =你可以試下安信

因為比較易借
但係息就- -