你會扮無嘢? 或者............ (男女高手請賜教)

這樣的關係, 是大家清楚彼此只做一對傾得嚟的好朋友??? 邊有咁樣o既承諾o架! 您對佢本身已有好感, 您哋一定係外於一啲唔可以改變o既情況, 比如對方已經有女友或者老婆之類, 唔可以一齊, 嗰陣先致有咁樣o既承諾啫. 係咪??

咁又會點解會無端端, 您所講o既唔覺意親熱起來 ??
如果我以上無估錯, 其實您哋互相都有好感, 您哋嗰晚, 應該是有啲嘢令您哋兩個唔係幾清醒, 例如飲咗酒, 又或者是但有一個唔係幾開心, 有一些感動位, 先會有咁o既情況出現 ?!

之後您哋仲對當晚o既事絕口不提 . . . . . . .
點解咁o既? 您哋無嘢又點會唔提吖!

您要講明您自己o既諗法, 先致有用. 如果您對佢有意思, 其實都無須要避, 咪由得佢順其自然囉, 有乜嘢問題呀? 其實, 今次要搵高人幫手, 仲要人提供高招, 您們顯然在關係上, 一定有點問題吧. . . . . , 您講明少少, 可能會有啲機會俾啲意見o既!!

致於, 應否再應約, 都係嗰樣嘢, 您哋無嘢, 又駛乜唔見呢 ??

其實, 您想同佢一齊, 定係仲係只係做朋友, 做法都唔會一樣, 我正等待您o既回答 !! 致會有好計提供.

2006-12-17 18:59:26 補充：
多謝您喺上面已回答我對您們關係o既問題, 現有以下的回應, 但我唔知從邊度講起好, 因為仲有好多好多問題:其實, 您話淨係錫錫, 咀咀吧 ?? 其實都唔簡單, 就算喺外國禮儀上, 普通朋友都唔會咀, 而只是用面頰上親, 除非有進一步的關係, 之前才會有咀咀的行為, 佢同您錫錫o既時候, 有無多手, 佢雙手放咗喺邊 ??? 睇嚟, 呢個您係工作上認識的朋友, 所以您對佢工作上, 可以知道佢係咁叻, 值得您咁愛戴, 除了玩得叻, 您所指仲有乜都知, 乜都識? 邊方面先 ??

2006-12-17 19:01:16 補充：
您對佢, 有幾了解 ?? 喺邊度識o架?? 佢係咪真係 single and available o架?? 有的男人, 結咗婚, 外面仲可以有成打女朋友, 而對住每一個, 都可以咁專一過噃!!1) 佢話您好斯文, 唔啱佢呢啲壞男人?? 喺呢方面可以咁樣同您講, 其實您喺佢面前, 應有意無意俾知道您對佢好有好感, 所以佢先至會對您咁講, 定係佢只係對其他人咁講?? 由佢咁o既講法, 如果係對住您咁講, 佢咁瘌有介事, 佢咁樣講, 係怕您上身, 同埋癡身.

2006-12-17 19:03:24 補充：
2) 您怕佢玩玩吓, 其實無可口非, 您話佢咁玩得, 應該好多女人會鍾意埋身一齊玩, 但係有無人搵佢做終身伴侶, 要睇下佢自己本身, 有無其他可取之處, 例如, 有無錢, 有無才華, 玩起嚟, 是否有性格? (是否來者不拒, 玩完就算). 3) 其實佢好清楚您, 您唔係玩玩下, 所以佢會對您有所保留, 佢又知道您, 佢喺您心目中o既地位, 佢又知道, 佢只要行多少少, 乜o野都可以成事, 成功率好高. . . . . 試問佢嗰次, 有進一步要求, 您會點樣, 您 " 死 " 梗, 直程食硬您 .待續 . . . . . 我要行開一陣

2006-12-17 21:02:46 補充：
呢個男人, 不得不讚的是, 最彽限度, 他有給您空間, 他有給您選擇, 他有給你機會, 其實您也可一再表白, 就可以跟也有進一步的關係, 但他有講明他是壞男人, 亦要小心他也不只是您所認為的 single, 可能佢有所感情之牽掛, 排除這個可能性, 他自己也有一點點的自悲感, 他也怕配不上您.不過, 您要決定跟他一起之前, 您要有心理準備吧!! 他可能會是一個不羈的人, 您不受您的管束, 心還是不定的; 您也不要相信您會改變到他好玩, 好勝的性格.

2006-12-17 21:19:33 補充：
我猜中了多少?? 如果我已猜了大部份, 我也不建議您跟這人有進一步的關係, 佢真係食梗您o架!! 除非您有心理準備喇! 您要知道佢會令您激氣的人, 不要諗住您可改變他, 他未必係一個好情人, 好老公.夫婦不可保證做一生一世, 但朋友真的可以做一生一世, 有是傾得來, 未必做了情人之後可以繼續可以咁傾得埋; 啊! 您現在他跟您談的話題多的是那一類呢? 呢個問題, 都會係您要怎樣處理呢段感情的要點之一. 我可唔可以知? 如果可以, 仲有意見可以提供.希望, 我幫到您, 有一個理智的決定!

thx

liandy88多謝你的細心分析, 很仔細又很到肉. 我承認自己很寵這個他,但強弱太懸殊了. 開始已經憂心忡忡, 大概沒有什麼好結局吧! anyway 多謝你的男士角度呀. 我剛剛回港, 問題已自動票選了. 幸好同我心水一樣, 你是我的最佳答案. thank you. 希望你睇到la.

我相信如果你地繼續有聯絡的話, 我諗你地應該會有下次囉.

我個人應為, 如果個男既係有意思想同你開始, 我諗你地經過果次之後, 佢應該有所表示囉. 但照咁睇情況, 佢無表示過同你有所發展喎.

如果你覺得這個人係可以繼續做朋友的話, 你要暗示佢知, 我地只可做朋友, 致於攪野果方面, 應該唔會再有下次, 除非你自己都好想啦.

男人通常都會諗, 有得食, 唔食咩, 而且又唔洗負責任既, 何樂而不為啫, (當然唔係個個男人都咁諗啦). 其實要睇吓你自己想點囉, 如果你真係想同佢有發展, 我覺得你要明示比佢知, 但如果你表示咗, 佢無反應的話, 起碼你自己都知道咩一回事先吖, 起碼唔會再對這個人有幻想. 但如果你表示了, 而佢又有的話, 咁都叫做一個好開始吖.

有時候唔一定有愛先有性, 都有少部份係有性先有愛. 我唔排除你同佢有咁既情況啦.

小心!!
我個fd都係咁!
"親熱完" 但"男"無表白...
表示佢只想sex
但又未覺得你可以做佢 "gf" 住,
男 最後如常有電聯,
主動約你,
但只想佔"便宜"
唔肯比名份你!!

除了男的是怕羞~

但如果佢無把握
佢都唔會吻你!!

你比佢親熱
佢都知你仲意佢la~

你要應約!!
問佢點解會親你就得~
haha

成年人無問題吖，是相方得到信任行為，大家需要就做足安全就得。
两個成人無需講到扮無嘢，双方可以相談甚歡或大家再不提。
繼續應約或有將來呢，如你認為冇能應同他說明你的想法。
愛同性是两樣野；個人價值不同。

如果你想同佢繼續keep住依位好朋友，
你就要扮冇野！

但你對佢只係好感咁簡單咋咩？

睇黎，你已經開始鐘意佢了！

你一係就控制下自己，一係就爭取佢返黎啦！

唔係好明 ... 點解唔係男女朋友都可以親熱?
真係咁清楚只限於做一對傾得黎的好朋友? 點解 ?
定係其實你地對對方跟本就有 feel ?

如果你地冇嘢, 跟本唔駛逃避.
如果你地有嘢, 更加應該繼續發展 .... 假如你地都未結婚的話

所以我覺得唔駛避喎

唔好意思, 好似加多左d問題

現代愛情有隨便的, 有保守的

你的問題說出你應該都係算保守的

因為...有好多人都好放

可以同人one night stand 之後

仍然都可以扮無事

仍然是朋友

如果你mind...即是說: 其實你介意

你要考慮一個問題是: 大家到底有沒有機會發展

你一開始就說無論再點, 大家都係傾得埋的好朋友

他有女朋友嗎?!

如果真的是沒有發展的機會

妳就不要再浪費自己的時間啦

唔通一世是朋友...嗎?!

如果他身邊有一個她

而你就只有你自己一個...

keep 住做朋友...可以

但不要再放感情下去啦~~

女人的青春是好有限的...姐妹=^.^=

扮無事~
約我當然會應約
說明是有好感呀~

2006-12-15 10:38:18 補充：
) 佢話我好斯文, 唔arm佢呢d壞男人wow. 但係, 要玩要蒲都叻ga.煙酒猜枚, 樣樣都ok. 以上我就無樣掂 如果你是乖女, 真係唔該和他一起....沒幸福 d friend 話我要求高? 可能你認識的也不好罷...很多人也好叻的.