✔ 最佳答案
賣畫的店鋪……你指人地賣畫俾你,還是你賣畫俾人﹗?
人地賣俾你o個d…,你去畫廊咪有o羅﹗譬如話荷利活道(較集中),以至中環一帶,好多畫廊的,街鋪又有,樓上鋪又有。
另,好睇你要買咩畫,國畫、西洋畫,兩者又有好多種類分的,有些畫廊會主打某一類市場,如當代中國油畫、香港藝術、十九世紀西洋油畫、二十世紀西洋油畫、俄羅斯油畫……好多好多。
反過來你又要知你自己的target,budget如何、畫種如何。你即便去到畫廊無見到佢掛你想要的作品,你都可以試下講俾佢知你的要求,如尺寸、色彩、畫面氣氛、budget……等,因為佢會keep住一批artist的作品list的,(當然要就住第一點講的,你想買中國油畫要先入o岩間中國油畫店先啦﹗你唔能夠入去俄羅斯畫廊話要買中國油畫的)。