被歧視.真慘!

我好明白你的感覺... 而且睇你的字裡行間... 亦明白你唔係一般香港人口中的"內地產婦"

你都識話啦... 你老公係香港人.. 年年交稅... 咁樣已經可以有半個香港人的身份..

而且我都相信你都清楚香港的生活環境同醫療狀況.... 的確係資源少無錯... 但係... 針對你的問題... 點解咁多人只岐視"內地產婦"... 而不岐視"外地產婦"呢?? 我相信有以下原因:

1. 有人真係儲心積累為左張出世紙而來香港生仔... 父母都唔係香港人... 甚至有d生完仲走數... 呢d人就真係無良心... 享用完服務仲唔俾錢...

2. 佢地來到通常會直接入急症生... 唔使產檢唔使排期... 身體有無其它毛病都唔知... 打尖同分薄晒資源唔在講... 如果佢真係有乜暗病的話.. 可能會連累其它孕婦都有事...

3. 佢地根本唔係香港人... 無俾錢無交稅... 憑乜享受香港人的福利呢?? 反而我地呢d年年交稅的"好市民"要被逼訓走廊... 唔通咁就係公平??


我重申一次... 我唔係岐視你... 而且果d真真正正落來"純生仔"的內地產婦....

係大陸, 一個農村孕婦去到大城市生bb都唔可以攞到大城市戶籍啦, 咁大陸孕婦黎香港生又點解可以攞到香港居民身份呢, 又唔見您去呻內地的城市人歧視農村人...

有收入的自然要交稅啦, 您先生係香港居民享有香港人的福利當然要交稅, 您又冇係香港有任何貢獻, 又冇交過稅, 咁點解可以享用廉價的香港公共醫療福利呢...同一道理, 其他的內地孕婦亦一樣, 無權享用香港的福利

當然如果所有的孕婦像您一樣有做足檢查, 醫院有記錄, 這樣醫院就可以容易跟進及預算, 但問題係而家的內地孕婦係臨生先來香港的, 有的更是超生, 她們根本不能在內地做檢查, 因為有可能會被打掉, 公營醫療根本無法預計會有多少內地孕婦突然來港生產, 醫療資源亦不可能突然增加去應付需求, 您必須知道要培訓一個助產士需要18個月, 病床/產房亦不能一下子增加, 試問現在涉及自身及自己孩子的安危的時候, 我們對內地孕婦的湧入作出反對是歧視嗎???

可惜, 在公立醫院的內地孕婦實在太多,而且走數嘅日日唔少. 仲有d係借肚收咗錢幫人係hk生仔,bb攞到出世紙收埋條尾數唔比醫療費就鬆人上返大6. 生得唔四正嘅就掉低bb係醫院四散. 咁樣點叫我地唔憎d"內地孕婦"?!

我係內地人,我先生係香港人,我地都係04年在香港結婚既,都係今年剛剛有左BB,我都一直在私家醫生檢查,不過我準備係浸會生,我有左BB先開始係知識發問問題,你地幚左我好多係度我要講声多謝~~不過我對於大多數香港人對內地大肚婆既歧視.感到不安同心痛,其實真係唔係個個內地大肚婆都係甘差,如果我先生唔係香港人,我係唔會係香港生BB ,一個人來港生完带返內地對BB會好咩,我从來無諗過來港搵著數,我啊爸啊媽同老公(跟老公叫)都有做野,我就無做,(年年都要交稅)我地希望俾最好既俾BB,我係笫一胎所有人都好重視,我唔明白只係一些無公德心既人走數,關我同我老公咩事,點解有點网友既問題咁針對性,希望唔好一竹竿打成船人,其實如果政府快D諗到辦法對中港都公平既就最好不過了(係好像我地同香港孕婦)如果唔係甘多父母都唔係香港人既孕婦來港生仔會少好多囉!有人真係儲心積累為左張出世紙而來香港生仔甚至有d生完仲走數.. 呢d人都係父母都唔係香港人,先可以走數(双方都走左去邊度揾人),先生係香港人成個家係度點解要走數,點樣走,1.我們會被無公德心既內地大肚婆連累,2.要被香港人歧視,我地既苦不堪言你地能諒解嗎?

我是本地土生土長的剛懷孕一個月的孕婦，也明白無論是本地人或內地人也有不守法的。其實政府真的要做D野la! 無謂搞到大家分化、仇視la!

如果你應為你嘅睇法系啱嘅,不如去親子王國(baby kingdom)個網度發表下.一定有好多人回應你.

你對號入座?