✔ 最佳答案
其實開支票户口同埋間儲蓄户口嘅手續喺一樣。帶錢、身份証及住址証明就得。以前,有啲銀行開支票户口要介紹人,而家呢的政策似乎不合時宜。最方便的是到你有簿仔户口嗰間開,一來唔使俾佢問咁多嘢,二來兩個户口啲錢可以在ATM/Internet互相掉動,唔使吓吓去銀行排隊。更可以賺多啲利息。
一般開支票户口係唔使手續費,但要留意日後運作時有冇咩野收費。如寄支票簿郵費等等。要知嘅話上嗰間銀行嘅網頁睇吓就知。因為開户口時佢無咁多時間同的解釋。
開户口時佢可能要一個數目嘅存款,一般都係$1,000。如果你熟佢根本可以斗零都唔使。呢啲叫initial deposit其實無乜作用,因為你可以好快攞返。基本上個户口入便只有一蚊都得,除非間銀行有要求最低存款額。不過千祈要小心唔好令個户口有機會OD,如張票返咗先至俾佢call你入數(須然佢無一定義務咁做),咁樣有機會你要俾好多考名立目的費用,如unauthorised OD fee等等。郁吓都成百銀以上。
至於支票部,約五個工作天。如果你開户時單聲佢話要趕住用,三四日都得,睇佢幫唔幫你啫。
至於點樣開票至啱,不在此處作答。要慢慢學。