點樣可以忍﹖

看情況：如果被人罵時，人家是針對整件事，你在當下即使不能理解，也應該先忍，例如唔好將注意力集中在他說話的細節內容，因為咁樣好容易會將佢逐隻逐隻字咁去捉佢不是，反而更容易添口舌。跟住心裡面諗：好！我夠氣量，我忍你！在想破口罵時，留心地自己深吸一口氣，跟住便會打消反罵的念頭。
但係，如果罵人者是人身攻擊，粗言穢語尤其是問候娘親的時候，換著我，我都會同佢撐到低。大聲話佢正在人身攻擊我，等周圍的人知道佢的惡行，不過，自己就千祈唔好問候返人，咁外人見到先知道你唔似佢咁蠻牛囉。
不過奉勸一句：辦公室生活日對夜對，如果關係搞僵咗，對自己對大家都唔係太好。

你比人鬧都忍唔住,咁你要向(石家輝)輝哥學習,比人打咗四年,打到豬頭咁,佢都忍到!
或者你還年輕,其實邊個打工仔唔受氣?除非自己做老板,有時老板都要受氣.

由對方講，咪當佢唱歌囉~~~~佢講飽自然會走，你愈唔理佢，佢愈無引，無野話忍唔到既，總之咪當佢唱歌，千其唔好嬲！(公司好多依 D 小人，去到邊都係咁架啦，只好百忍成金啦，而我就已經成左金啦，你要加油！)

先想清楚是不是自己有不對的地方, 如果有的話就俾人鬧都忍左作啦, 如果對方係無理取閙, 可以行開的話就行開, 不能的話就把心思想到第d地方, 例如放咗工去邊度食飯等等, 分散意力.

我本身都係一個火爆既人, 見到唔0岩既野,
我就會破口大罵, 如果有人鬧錯我佢就慘啦....
比我鬧返佢,仲勁過佢十倍...
不過而家出左黎做野咁耐, 咁大個人, 已經習慣左好多野,
明知佢都係無理取鬧既, 更加唔洗理佢, 咪當佢唱緊歌lor...
你越嬲佢就越開心..仲鬧得更勁,
當你唔出聲時, 當佢冇到咁,
佢就會鬧到冇晒癮自己會收聲ga啦~
記得唔好攪到自己唔開心呀...

以前的我比你更加火爆
當你想到多病的bb兒子,身體欠佳的太太仍要照顧bb+家人,年邁多病的雙親,不斷的開支，負資產的債務
１０年來我已經麻木了
想到為了你所愛的人，甚麼也可以忍