男朋友阿媽 -- 我男朋友阿媽一開始就唔喜歡我,唔知點解

嘩... 妳地既情況, 真係好似做戲咁噃...

老實講, 我女友都係大過我, 但我屋企都冇反對, 不過我諗係因為我屋企有好多「先例」, 正如我阿媽大過我阿爸一樣....

anyway... 如果真係計較年齡差距既話, 佢地好out囉!! 尤其係, 妳伯母係大陸人, 講野一定「那渣」d (恕我直言, 我對大陸人冇乜好感.....!!); 至於妳屋企聽完個電話之後嬲爆, 正常架喎, 有邊個鍾意無啦啦俾人鬧, 仲要係因為野蠻既理由, 人响呢個情況, 一定會針對對方既「弱點」黎反駁, 妳阿爸既反應都好正常!! 不竟我地都係受過教育既人, 冇理由小人全家...!!!

不過, 我覺得係妳同妳男友之間既事, 不如妳兩口子自己解決。妳地係咪都經濟獨立、豆零都唔駛靠屋企呢? 如果係既話, 妳地搬開住都係一個可行既做法, 只要妳同男友問下妳地自己, 夠唔夠狠心離開屋企, 如果妳地既答案都係YES既話, 不如付諸實行!!! 到遲d真係結左婚, 佢地都吹妳地唔脹!! 不過妳都要記住一點, 唔可以因為「報仇」兩字成為妳同男友結婚既原動力, 咁樣對妳男友好唔公平!! 但我相信, 雙方父母終有一日會明白既~ 妳想做既, 放心去做啦~~!!!

我試過好唔鍾意我細佬個女朋友，因為佢好無禮貌，入屋唔叫人，樣樣野都要人人就佢，佢黎到我屋企好似大曬咁，我阿爸睇緊電視，佢問都唔問就叫我細佬插部遊戲機佢玩，好啦！插好左，又話點解無 GAME 岩佢玩，係我屋企發曬皮氣。又一次，我辛辛苦苦煮好團年飯，先前問細佬係唔係到食，佢答我係度食，點知到開枱佢隻女友就打電話來，跟住同我講佢唔係度食，真係火都來啦！別人唔喜歡自己一定有原因，以上既例子你同你男友有無做過？

結婚唔係兩個人既事，其實係兩家人既事，依加你可能唔明，到你結左婚，你就會好明。依加你覺得『打算同佢一齊住, 下年去外地註卌』，可以不理兩邊家長，這是這時這刻你咁認為，而且唔多唔少你地會覺得自己能為愛犧牲一切或排除萬難，愛情很偉大什麼的，但這並非現實及事實，你阿爸始終係你阿爸，佢阿媽就係佢阿媽，係親人，切唔開，日後一定很麻煩，除非你地結婚後是斷陸親，大家都唔要自己D親人，否則記住結婚唔係兩個人既事，而係兩個家族既事，並非你們想得咁簡單架！睇下謝霆x同張柏x的例子就知啦~~~~

我會支持你!我非常同意你的做法!

dun leave home n marry
improve urself,study more,work harder never give up
his mum ll admit u if u can be the bEST

好感動啊.支持你地~!雖然唔知你地屋企人關係.不過.
戀愛系一件幸福既事.憑什麼要阻止你地~!
穩到喜歡既人,唔好輕易放棄,只要你地好好相處
一切都會慢慢解決下來啦.