✔ 最佳答案
當一個人想完全擁有對方,肯定自己不會變心但又怕對方會變心便想結婚,但只是想,行動又未必會,呢個年代就算穩定都同左居啦,同左居無啦啦又結乜鬼,又麻煩又要錢,除非要生仔啦,奉子成婚又唔會比人笑。
男人結完婚要承擔養家啦,以前出街女仔用你錢唔敢大大聲講應份,老婆要家用可以惡過你,去滾以前叫花心,依家叫姦夫,離婚要比膳養費。
女人結完婚多左兩老要照顧,除非老公係孤兒,家務你做梗,除非有錢請工人,唔想生仔都要生,如果唔係老公搵第二個生,以前識男仔叫有權選擇,依家叫不守婦道淫婦,老公窮過你離婚連膳養費都無,申請綜綬離婚要比幾仟蚊律師費。
依家結唔結婚都唔重要,以前盲婚啞嫁吵吵鬧鬧反而可以白頭終老,依家自由戀愛選擇咁多變數咁大,承諾又如何。
只要想過不會後悔喜歡結便結,但做人要留一線,保護自己不傷害人便可,太多意見又如何^^