點解我會覺問老公攞錢好難為情...

少少你既問題，少少係男人既問題，又有少少係社會風氣既問題囉！

你既問題：係自尊心作怪，一直以來都係自給自足，唔習慣比人照顧囉！

男人問題：而家實在有太多不負責任既男人存在，有好多連自己都未顧得掂，又點顧你呢…而以你所講你係一位曾經婚姻失敗既人，男人未必比到你要既安全感你…

社會問題：成日都話要女強人，唔需要男人養…

自己老公，點問都得啦

我都係一直無問老公攞家用既人，不過老公有自動比，後來我直情叫佢唔使比，水電及電話費係老公比錢，其他我都自己比，有咩所謂，自己又唔係搵唔到，我無計既！唔好人地係老公比家用，就覺得自己老公要比，我一向唔理依 D 所謂既傳統，我既然講得男女平等，我就要方方面都平等，唔好太介意人地係點，覺得自己同人唔同就好怪，我地唔使老公養，唔係幾有型咩！(笑)

其實你冇問題，反而覺得你好獨立，可以自給自足...唔洗下下靠人或者問人拎錢，係一件好事黎架。
依家好多女性都自己搵比自己洗，因為佢地唔想比d男人覺得自己冇用，成日都要問個男人拎錢，感覺好似冇左個男人唔得咁。
其實你咁做，我覺得冇問題...反而仲好支持你tim，起碼即使有日你地分開(沒有惡意..只是假設)你都可以靠自己，唔會話冇左佢...唔知點咁，所以覺得你咁做好好，冇乜問題...。

你唔係有問題～
你都唔慣問家人攞＄～
自己做開野～自己搵自己洗～
冇啦啦要問老公攞～梗係唔好意思啦～
你自己咪有答案囉～＠＠～！！！

依D情況多數係自卑心作隧
其實我好敬佩一D家庭主婦, 佢地對一個家既作用或地位都好重要.
唔好講邊個比錢, 邊個受, 一個家係一體黎.
其實冇需要難為情, 你為個家付出幾多, 你另一半一定知道.

唔係, 財政獨立有何問題.
除非出現嚴重財政問題, 到時才相討.