平時出口o既程序同收費

而家都好少用 L/C ，除非貨價銀碼十萬蚊美金以上, 因為銀碼細用 L/C 銀行啲手續費見到你會驚, 總之一單貨少於五萬蚊美金最好做 T/T, 手續費頂多都係幾十蚊美金
慣例初初合作當然要收客訂金, 通常 30%, 70% 可以走貨後或走貨前, 不過客人實要求你走貨後先找數, 當然你同船公司攞左正本提單唔駛怕, 如果空運就最好收左錢先

報價 Terms 「FOB」「CFR」「CIF」唔講啦, 自己睇
http://hk.knowledge.yahoo.com/question/?qid=7006112103499

我諗做出口或者轉口最先要學識計「水腳」即係運費, 而家全世界都去大陸買平野, 當然要知道由大陸運貨到香港或者由大陸出口當中涉及嘅費用, 大陸果部份太複製我唔講, 你最好做單時要求間廠報價一手包辦, 唔係有排你煩, 尤其是你係新丁

走船(海運)主要分散貨同柜貨, 一個廿呎柜約一千立方呎 (大約 28 至 29 立方米), 當然你要學識點去計裝箱體積 (簡單數學唔講), 散貨即係少於一個廿呎柜嘅貨量, 香港運輸通常一個廿呎柜拖柜香港收貨入倉費約一千蚊港紙, 如果拖柜上大陸收貨就睇路程遠近, 至於散貨就會按重量或者箱數去計

做出口最重要當然係同船公司(貨運代理)合作, 頭先講過散貨同柜貨係適用於走船即海運, 至於空運就無散貨柜貨之分, 因為空航係以貨物重量去計算費用, 詳細手續如下

海運的訂倉單為 Shippping Order 簡稱 S/O

散貨 Less (than) Container Load 簡稱 LCL
- 運費 Freight Cost 以貨物總裝箱體積以每立方米計算 $xx.xx/cbm
- 運費以外還有 CFS (Container Freight Station) 貨運站費, 是船公司在碼頭將散貨合併入貨柜的費用, 都係以每立方米計算 $xx.xx/cbm

柜貨 Full Container Load 簡稱 FCL
- 運費以貨柜不同呎寸去計算一個總額, 當然貨物裝柜重量在不同卸貨港有所限制, 所以超重會有額外附加費
- 運費以外就是 THC (Terminal Handling Charges) 即係俗稱「吊柜費」, 由貨柜碼頭負責公司收取
- 另外香港貨柜碼頭已經實施柜貨入倉電子化, 詳請參閱「一路通」網頁 http://www.oneport.com, 而家貨柜入碼頭要畀「保安費」仲要好似餅咭咁買 coupon (多舊魚)

海運由貨運代理 (Forwarder) 發出提貨單為 Bill of Lading 簡稱 B/L, 而由船公司 (貨輪主人) 發出的提貨單為 Ocean Bill of Lading

空運並沒有散貨或柜貨之分, 因為空運運費只會以貨物總重量以每公斤去計算 $xx.xx/kg, 另外費用可能包括航空公司要求的機場保安費 Security Charges 及燃油附加費 Fuel Surcharge

至於空運的訂倉單為 Shipper 's Instructions 簡稱 S/I, 此外, 付費人 Shipper 訂倉時除了提交 S/I 外, 還要提交一份 Known Consignor Declaration 給航空公司, 有效期為兩年, 另外空運貨物付貨人必需提供貨物的正本發票 Invoice 及裝箱單 Packing List 給航空公司作清關之用

空運由貨運代理發出提貨單為 House Airwaybill 簡稱 HAWB, 由航空公司發出提貨單為 Master Airwaybill 簡稱 MAWB
唔同嘅船公司收費定價當然無劃一標準, 如果係客人指定你就最好報價時事先問左果間船公司收費如何
走散貨就要攞番張入倉尾紙 Mate Receipt 等船公司發票去找數換正本提單
走柜貨就要响一路通網站入面轉寄運輸公司畀你嘅碼頭電子收據去船公司, 印番張 Bill of Collection 等船公司發票去找數換正本提單
至於空運客人無需要提單收貨, 等船公司發票找數佢會畀番張 HAWB 你

如果你出口係紡織品走貨時要提供出口證 Export License, 詳情你要問海關部門

最後貨物出口十四天內要報關, 而家實施電子報關, 詳細請參閱政府統計處提供嘅資料
http://www.censtatd.gov.hk/FileManager/EN/Content_93/traddec