女仔考牌難唔難考呀????

幾多次先pass, 真係好似樓上話齋, 睇妳天份咋喎, 我都識d女仔考棍波一次pass, 亦有人考成十次都pass唔到... 所以呢~ 睇妳表現喇~~ :D

由於而家新車來港絕大部份都係自動波, 所以如果妳打算買較新年份既車, 十之八九都係自動波, 考自動波就可以。但係, 妳估自己有冇機會揸棍波車呢? 如果妳未肯定, 又想保險d既話, 咁不如考棍波啦, 考到棍波牌就兩樣都揸得, 考自動波牌就只可以揸自動波

係咪多數就算考到之後都係揸返自動波, 其實應該咁講, 因為自動波車既收量較多, 棍波唔係冇, 不過good condition又新年份唔易搵, 就算有, 車價會較高, 所以話, 自動波車既量較多, 如果妳想揸棍波, 妳專登去搵既話實搵到既~ 睇妳自己意願囉~

如果要比,輕型貨車比私家車易
輕型貨車可以望全車位置,私家車頭尾望唔到
只要解決離合器的問題便可以了,
冇分男女,只要多練習便可以了

以上所有問題，同性別沒有關係，不過，如果考車牌之後只是揸私家車，其實自動波都夠用，因為大部份私家車都係自動波，不過，當然學棍波抵啦，因為萬一遇到架棍波私家車就揸得，自動波車牌唔揸得棍波架。其實，練習多一些就得，個人建議：考棍波啦。

考牌真係視乎自己情況, 無話要考幾多次才考到, 總知要勤練習, 明白操作原理.. 這才去考就得心應手啦..

邊有份男仔會叻過女仔架...大家都係人, 最梗要學上面話齋, 補鐘, 補夠自已覺得ok為止, 你試諗下, 你慳果d補鐘錢可能等於你考多次牌..到時可能得不常失

我咪係考棍波1次pass啦!

冇分考棍波啱男仔定女仔多d, 只係有人話學棍波會更明白上1波2波3波嘅道理. 其實都唔到你擔心得咁多, 最緊要唔好慳, 學夠鐘. 就算肥咗當攞經驗, 我考嗰時都預咗考2次, 所以嗰次考到都好大驚喜.

其實考路試最緊要做d轉頭望後d動作大d, 等佢知你做到d動作.

唔好咁擔心, 越想1次pass越大壓力, 順其自然.

客觀分析
女仔考棍波,通常要2次或以上, 因為棍波要求對機械(轉波及使用離合器)的悟性要高一點, 這一點大部份女孩子通常差一點, 除非你學車時遇到好師傅練得好熟.
女仔考自動波, 通常會好一點,因為要兼顧的動作少了, 自然出亂子的機會也少一點.
多數就算考到, 通常會選擇自動波車的, 因為香港大部份私家車都係自動波, 同經常都會塞車, 以棍波車慢駛是很苦的...