仲幫唔幫佢補習？

我既case有d同你類似,
我一年前都有兩個上門補習既學生,
係親戚既朋友既仔女,
本來講好係一個星期一,四.
另一個星期二,五.
第一個星期都跟足時間,
點知第二個星期開始佢地既媽媽就打黎改時間,
"聽日唔補得呀,補得再打比你啦"咁就收線.
到左下次要補果日,我冇去到(因為佢都冇打比我)
點知佢媽媽就打黎,"點解你仲未到既?"
我答:"你都冇打比我,我以為你唔得閒,所以咪冇黎."
......
到左一個月後,即佢地既仔女考完試後.
(其實2個之中,其中一個補左6次,另一個補左7次)
佢地既媽媽都話成績進步左,一個之前次次唔合格,今次合格左.
另一個之前得6.7十分,依家有80幾分.
我自己都覺得進度幾好,但兩位媽媽都好似唔係好滿意咁.
其中一個話:"今次係合格,不過我係想佢再高分d囉."
另一個話:"80幾分都幾好,不過有好多地方都唔應該錯,起碼要有90幾分啦."

我心諗,大佬,先補左果幾次,你想點呀?!有進步算好啦.

點知,到我下一次去補時,好笑既野出現喇,佢地媽媽話:"我唔想佢地補住喇,
因為都有進步到,佢自己都應該識gala.第日要補時再call你."
我無言,只話,"好,無所謂."

真係好無奈,我一心想教好佢地既仔女,而佢地竟然咁短視.

幾個月後,其中一個學生既媽媽打比我親戚,叫我再幫佢個仔補,
佢話佢個仔又退步左,無論如何都要幫下佢,仲話會比雙倍錢.
我親戚係叫落咀頭叫我幫,但我好堅決拒絕!

佢當我係咩呀?我知呢個時候應該又係學生期未考試前一個幾月,
擺明又係利用我令佢個仔考得好d,之後又一腳踢開我,仲要用錢黎
撻我.哼!我唔會再咁蠢比佢利用多一次囉.

以上係我本人上門補習既經歷,希望你可以用黎參.

改時間唔係問題,大家協議好就得,但最主要係,你個學生是否很想進步呢?
佢爸爸請你既心態係咩呢?你是否肯付出栽培一個好學既人呢?

呢幾點,只有你自己最清楚.你自己好好思考一下吧.

講真 la, d 時間咁寶貴無理由任得佢舞 gar.而且,我認為對方好唔尊重人lo.所以,我會選擇唔do.

如果是我自己, 我就唔補算啦!
若果只係一個星期補一次, 當然沒問題啦!
但因為時常都改時間, 會影響到自己的時間表, 浪費自己的寶貴時間, 失去其它自我增值機會, 最後都要視乎你自已的實際情况而决定

其實如果你自己時間可以自由分配, 而你又唔想少左份補習收入, 就繼續幫佢補啦! 正如僱主同僱員, 只要雙方傾好工作時間而大家都同意就冇問題啦, 不過你份補習唔受僱傭條例保障, 如果你有其他學生, 但佢將時間一改再改而影響到你其他時間既收入, 又或者佢改時間會令你錯失左做其他事既機會, 首先你要同佢講你有其他野做, 咩時間可以預留畀佢, 咩時間唔得, 但係若果佢跟本唔同你傾, 又或者一意孤行, 咁你要諗下放棄喇!
最主要係衡量佢會唔會影響到你既時間(例如你有另外既工作, 要讀書...等等), 至於你朋友話畀人呼之則來...唔係考慮既重點, 因為始終都係雙方面傾, 唔係佢話改就改, 都要你同意先得架.

你搵過份啦, 又唔係得佢一個