有無人幫到我呢? my dog is sick~

你覺得貴不如去愛護動物協會度睇醫生. 會平d.

但係你依家一定要諗方法去餵你隻狗, 佢唔食, 你就試下比佢最鍾意食既野佢. 再唔係你就親手煮野比佢食. 煮好就放埋d藥落去, 每次份量唔洗多, 佢肯食就小小小咁比佢. 而水0個方面, 你整d生果汁/ 生果(生果裡有水份)比佢飲/食, 比d耐性每日整d唔同既野. 睇下邊樣會令佢有食慾. 唔好比咁多乾糧/乾淨淨既食物佢, 因為咁樣佢唔會吸收到水份. 比藥既時候試下加小小沙糖, 冇藥味可能會食.

依家天冷, 唔好比佢凍親個肚&身體. 仲有你平時比開d咩水佢飲? 唔好再比生水, 比小小暖既水. 留意佢唔好比佢四圍舐野, 怕佢食入左污濁野, 因為腸胃敏感, 唔好再受污染. 如大小二便, 一定要即清理. 可以同佢三日沖次涼, 保持番佢身體乾淨.

緊記. 狗係唔可以食 "提子, 朱古力, 洋蔥, 彊" 煮d本身有味既野食, 清小小. 紅蘿蔔本身有甜味, 全熟蕃茄去皮去籽煮可以加糖(咩食物都唔可以有皮).

我唔知你住邊區,但d醫藥費好貴, 我一星期藥都係三百令. 係呀. 你隻狗狗有冇抽腸裡面既組織去驗呀?
你上愛護動物網頁睇下邊度有近既診所/ 流動診察車吖!
http://www.spca.org.hk/

我只係可以幫到咁多咋.sorry
祝你狗狗早日康復.

你的狗狗要多些休息及一定要牠食嘢及飲水, 建議你唔好再叫佢jump啦, 比佢休息多d啦. 想佢有胃口, 可給牠清水煮的雞肉加白飯, 雞肉要切碎, 千萬不要加調味料. 只要你細心地照顧牠, 一定會好返的, 我隻狗狗bb之前都係咁, 不過醫生話佢可能係狗瘟, 狗瘟係無年齡限制的, 所以要小心, 但係你試下我的方法啦, 必要時可給牠很稀的葡萄糖水. 我的狗狗現在已好返, 健康活潑! ^^

2006-12-14 02:10:53 補充：
記得要注意牠的清潔呀! 無論是狗狗的身體, 另外一隻狗狗, 還是牠們的玩具及睡的地方, 所有都一定要清潔.

不如你試下轉過另一個醫生睇佢啦, 唔好再拖, 狗狗已經去到唔飲唔食就好嚴重,
佢一點水都唔肯飲, 唯有利用針筒餵佢飲水, 腸胃炎係一定要食藥先會好架, 不過最怕係佢唔知會唔會係另一種病, 所以我建議都係最好同佢睇多次醫生, 檢查清楚會比較好, 希望你隻狗狗可以快些好返啦.....

P.S.我自己就睇開跑馬地獸醫診所, 詳情你可以打去問下.

明白香港獸醫質素參次，見錢開眼，唔好話醫狗既，所算政府醫院醫人既亦都一樣。建議試下愛護動物協會個d獸醫，係要排隊但聽講係鬼老鬼婆，對動物點都好d啦。

好擔心你的小狗，快d陪佢睇有醫德既醫生啦！

如果你唔帶佢去睇醫生的話, 咁你無論如何都要比野佢食, 或者你可以比葡萄糖水佢飲, 因為佢一路都唔食, 唔飲的話, 我諗佢捱唔到幾耐. 只要佢食野的話, 咁就重有希望.

不過我都建議你快帶它去睇醫生啦.

快點帶牠去看多次醫生
好像很嚴重

快D同佢睇醫生,你再問下去,你的狗狗就會死架啦...