想問大家知唔知一般話劇化妝，有什麼要留意？或哪裡有短期課程(近期)？

其實我諗你既話劇化妝指既係舞台化妝

舞台化妝最重要係個妝要突顯到個人物或主題，
另外最重要就係留意個輪廓（光、陰影）打得夠唔夠色
因為舞台既燈射響面度會令塊面冇晒輪廓，
最後就係要配合返個舞台燈光，

個妝既底色可以配合返黃、紫、白色...等等既燈光
普通化妝通常用近膚色既碎粉，
但化舞台妝既時候就應該改用防水定妝粉( FIXING POWDER )
防水既意思其實係防止出汗（因在舞台上表演比較容易出汗）
又或者選用透明定妝粉( TRANSPARENT POWDER )
好處係唔會改變原本個妝既顏色

除左打輪廓外 , 你其他部份都要誇張d , 用色要深 , 粗眼線 , 假睫毛 一定唔少得 . 因為你的觀眾係o係好遠望你 , 你唔誇d人地唔覺你化左妝.( 當然你近望就會好唔慣 .) 我試過睇一個drama, 個dancer 就係化得太淡, 搞到我以為佢冇化妝. 而我去睇 <歌聲魅影>, 我見佢地個妝都係咁 ,樣樣都誇, 不過真係好靚 !

最好揀d 防水 的化妝油 ,因為 o係台上 溫度比較高 , 又多射燈, 加上個人郁多2郁 ,真係好易出汗 .