我怎樣可以投訴母嬰健康院?

其實都唔係健康院的檢查係咁, 其他醫院亦差唔多, 冇乜事唔會同您照超聲波
健康院就一定冇得照, 怇地根本有儀器幫您做, 所以當時我直接去廣華檢查, 雖然冇得做oscar, 但都幫我做咗結構超聲波, 算係咁啦
其他一般的產前檢查都係驗尿, 量血壓, 磅重, 度下&按下個肚, 每次都要個半至兩個鐘, 都係冇得照...冇辦法冇資源...可能屯門區較多新移民, 所以要等耐d, 但都冇辦法, 做得檢查的都應該已經係有單程証黎咗香港定居, 否則係政府做檢查仲貴過睇私家

我聽聞過係QE做檢查要排到22週先有期做初檢, D咩OSCAR, 結構超聲波全部都要係22週前做,咁咪即係迫D媽媽一定要自己出去私家度做檢查囉...

其實醫療費用係好貴,我好認同另一些回應,那些檢查並不是你所想像係簡單,
做呢d screening 係對bb 非常重要 同埋 唔可以無,
而且以我所知 大部份d姑娘都好好人
反而照 超聲我覺得係非必要添
其實我都唔明點解政府唔收費用

其實要等咁耐先做7分鐘野,
因為唔係淨係服侍一個人,
如果40個人 每個都講5分鐘 都已3個鐘啦
無可能唔快手做

香港人真的不應該成日用交左稅來講
d 姑娘 都要交好多稅 仲要對住好多唔同的人
每個人都有權利和義務

健康院冇超聲波架~如果佢懷疑你bb有事會轉介你去屯門醫院做超聲波
我響天水圍健康院
但都係個幾鍾就ok la wo..
同埋唔駛$都係咁la..你估人地一對手就陣係服侍你一個人咩..
你要快又齊服務又有得揀又好相與既話唔該你每個月唔好咁"度縮"拎返幾舊自己睇私家la

母嬰健康院是衛生署所管理的﹐投訴的話可以聯絡佢地
電話號碼： (852) 2961 8989
電郵地址： [email protected]
又或者寫信去報紙
其實全香港所有咁多個媽媽都會去健康院檢查的﹐姑娘當然要過濾下ｄ case ﹐有緊要野先做進一步的驗查
你依家七八個月﹐個ｂｂ大概都成形﹐先天既野都無咩可以改變
量體重係要保證ｂｂ生得好（唔會有 IUGR 宮內發育遲緩）
量血壓係排除妊娠毒血症
聽心跳係確保ｂｂ仲響度同無危險
摸肚係摸胎位（唔好頭上腳下）同羊水的份量（太多太少都有危險）
你以為好簡單﹐其實每一樣野都有醫學根據
仲有佢地問你果ｄ問題﹐你唔為意﹐其實都唔係隨便問的
另外健康院真係無超聲波機的﹐所以係無得照架
如果你有ｄ咩唔妥的話﹐佢地一早送左你入醫院啦
至於你話態度問題﹐我諗好難講了﹐呢排咁多人生﹐你都知有咁多大陸人啦﹐好忙既ｄ姑娘
而且多大陸人又不是健康院的錯﹐呢個是法律問題﹐你等周一嶽返落黎睇下佢點講啦