電腦傳真的問題

如果响 XP 平台 modem 已經屬於簡單硬體如 mouse 同 keyboard, 應該用 XP 內置驅動程式已經可以控制, 我剛剛問朋友借了一個 Genius USB modem, 一插即用, XP 都無理佢係咩牌子就已經可以安裝好驅動程式, 所以無論你用 serial port 或者 USB 情況應該都會一樣, 除你部電腦底板 serial port 無開到
你唯一要搞清楚係你用果個 Fax 軟件有無設定好用呢個 modem 去收發傳真, 其實 XP 已經有傳真功能無需要另外安裝軟件, 除非你要大量傳送
去「程式集」「附屬應用程式」「通訊」, 如果呢度無「傳真」咁你可以去「控制台」「新增或移除程式」响左邊揀「新增/移除 Windows 元件」搵「Fax Services」剔左佢, 按「下一步」, 如果你個 Windows XP 係用光碟安裝呢度有可能要插入 Windows 光碟去複製檔案, 最後按「完成」咁你就可以用 XP 傳真功能
呢個傳真功能傳送時只會得一個封面, 如果你想有自己編輯內容可以用 MS-Word 擬定好傳真內容, 然後响工具列按「檔案(F)」「傳送到(D)」「傳真收件者(F)」, 跟住會彈個「傳真精靈」出嚟, 按「下一步」呢度可以揀「不要有封面表單」(因為 XP 傳真功能已有一個封面), 然後按「下一步」, 如果你有裝 Microsoft Outlook 咁呢度你可以揀 Microsoft Fax, 我建議用中間系統中的傳真軟體「FAX」(就係 XP 傳真) 然後按「下一步」, 再按「完成」(佢會話「精靈已將您的文件送出去了」)
咁佢會彈另一個視窗「歡迎便用傳送傳真精靈」按「下一步」, 輸入收件者名稱同傳真號碼按「下一步」, 跟住如果你唔想要封面可清除「選取已包含以下資訊的封面頁範本」剔號, 如果你要封面就要响主旨或附註輸入文字, 再按「下一步」, 呢度可以設定時間同優先順序, 按「下一步」再按「完成」就可以發傳真 (呢度你可以預覽一下個傳真)

我的電腦>內容>裝置管理員>睇下數據機有冇你果個modem係度
另外正常插左線落個modom 就得架啦喎
會唔會係你果陣傾緊電話?
你試下搵人send fax 去你度試下先
如果收到又唔關modom事