單身一族如何過聖誕, 做冬等節日?

我早幾年都好似你咁﹐一個人都唔知點﹐唔想留o係屋企(心情仲差)﹐又唔想找friend... 人地多數都有節目啦! 行街行得(支力)想找地方坐﹐但一個人又怪... 平日好多人都一個人行街﹐偏偏大節流流o個幾日﹐條街人頭湧湧﹐個個都有伴﹐搞到自己好孤獨。講真... 又唔想認衰仔話俾d friend聽冇人約要做孤獨老人﹐所以只可以食自己﹐感覺特別慘。
有一年做冬我一個人book場打壁球﹐自己同自己打﹐跟住去7-11買叮叮食。我好鍾意去長洲個沙灘坐﹐聖誕o個幾日假我就坐船入去﹐坐o係石堤睇書﹑聽歌﹑諗下野。對住個海又大又闊﹐個天又藍﹐成個人輕鬆左好多! 如果你唔怕悶﹐都可以係一個幾好選擇。不過我試過俾人以為我去燒炭﹐走黎同我輔導! haha 吹海風吹到6點半前就要走架啦﹐如果唔係天黑一個人就危險。我臨走前仲會入返大街買牛腩河外賣拎上船食﹐一個人都唔會好怪(因為隻船冇乜人﹐6點幾d人都未走返出香港啦!)
其實去完長洲個人已經輕鬆好多﹐我跟住已經可以返屋企睇下電視。不過如果你仲覺得太早未想返屋企的話﹐可以去睇戲架! 聖誕d飛咁爆﹐我多數好早就去買advance ticket... 最好星期六朝早11點去買啦﹐冇乜人買飛﹐就算買一個位都冇咁礙眼嘛! 揀位要揀有人坐o個d隔籬wor! 咁睇戲時有個陌生人坐隔籬都好呀! 記住唔好買周圍冇人坐o個d! 如果側邊d位冇人買﹐到時都幾樣衰....
如果你嫌去戲院都係有d怪﹐可以租碟返黎睇呀! 我唔建議買老翻囉! 買左分分鐘睇唔到﹐到時仲唔開心啦!
我平時都有做義工﹐社福界聖誕節一定有活動。如果我sure無人陪﹐我會做義工囉! 多數聖誕節available o既義工(除非係夫妻﹑情侶檔)都係獨身架! 到時一班同病相憐o既人一齊做件有意義o既事﹐都幾開心架! 大家都知彼此苦處﹐又唔會俾人笑。放左function仲可以一班人倒數﹑去玩﹐真係唔錯架!
我都好多年冇過單身生活lu... 而家反而會煩惱d時間好難分配。人越大越快離開屋企﹐所以好想放多d時間陪daddy, mommy, 不過男朋友o個邊又要應付。而家真係有d後悔當年寧願一個人去打波﹑睇戲﹐都唔留o係屋企陪屋企人﹔而家想陪多d都好難做到咁。所以呢... 如果屋企人o係身邊﹐我建議單身朋友多d陪佢地囉! 過一年又少一年架喇... 對佢地好d囉!

絕有對同感. 我也是單身一族已好幾年了. 早幾年都會約d fd出去慶祝. 但近年好多已有自已家庭. 拍拖gel拍拖. 自已都唔咁打擾佢地.況且佢地都有自已既節目啦...自已成日會諗點解樣子又唔差外型都ok. 點解識唔到男仔? 再咁樣落去會孤獨終老嫁喎...你地有冇方法呀...真系有d衝動想去婚姻介紹所嘗試一下. 有冇人去過呀.

單身一族嗎...??
單身不是問題,同friends出街都ok ga wor...

我有時候也有這樣的感覺
但會安慰下自己吧!
其實單身一族未必不好
看人家拍拖
又要隨時顧到別人的感受
多煩
一個人就不同了
可以做自己想做的事情
多自由
但如果還是不能撫慰自己單身的孤單心情
找一大群與
自己一樣的最好最好的fd
出街
你會發覺
回到家後
心情會如此開心
再打打電話
試下吧!!^^

我都係一個人，單身一族。我諗出街就無謂啦，尤其是你見到一些條件比你自己差的人都拖住另一半，你就覺得世界係幾咁唔公平，所以，個人建議係在家中睇碟、打網上遊戲、睇電視，或者，最消極方法：早些上床訓教。