(緊急!!!!)中學時不修art,會考不考art,到大學時仲可以修art嗎?

過來人講句啦……

機制：
係唔需要考會考都得。但…有考…當然好過無考。

不過…話又分兩頭講，中大的藝術系得廿幾個位…一年，但有唔少人爭嫁。咁…同一聯招成績下，有會考基礎的可能會比你優勝。

只是你又講到…你好無時間去handle，咁…就你的case來講講…考入中大的可能性同技巧啦﹗

1. 要睇你成績，始終都係要聯招，你個會考、高考成績唔好，點都入唔到u，咁講乜都無用。

2. 事實係…單就中大藝術系而言，人地都算有得揀…咁…始終都想吸納成績好的那批先。其實好多學校唔止有會考美術，仲有高考美術添，但中大藝術系無俾呢d人霸晒d位，原因何在，在於個成績。

3. 又，以高考同會考美術比，唔考高考美術都可以講句…絕無問題。

4. 反而，你到時應付唔掂個會考美術，只取得d或e，你到時都唔知交唔交分好。

5. 不過，個美術基礎同知識係唔可以無o羅，近十年入藝術系的都要交profolio，你無會考都要有野交到。應付唔掂個會考美術都要諗諗報些course，除素描外，也有識得些painting（可以係水彩、粉彩…之類之類的），因為profolio都唔應該只得幾張素描。

可是…要做到這些作品都係需要時間浸o既，否則你到時求其學幾個月，交幾張不倫不類的作品，反而自暴其短。

6. 佢面試時會問你些問題的，唔難，就都只係睇睇你有無、或有哪些美術基礎、知識。

7. 如果你選擇唔考會考美術又報中大藝術系的話，雖是三年後的事（中間仲要經歷兩次重大考試，到時係點都無人知），不過…三年後…我都未必會再在這裡碰見你，所以…俾些貼士你：佢會問的問題…諸如話你識得d乜藝術（家），見過他們的作品，舉唔舉得出，點解喜歡、有印象、深刻…之類之類的；你有提供作品的話佢都會叫你介紹、解釋下。關於前者的問題，你到時當然要之前準備下，在高考後有大把時間，去下睇展覽、去下藝術館，講下你都睇過乜展覽…，例如…“龐比度…大師對象”…。

又或者，到時乜作品都無的話，更絕的方法…而佢又受的就係…，講你幾咁對中國藝術史有濃厚興趣，對d古代的金銀、陶瓷器或玉器甚為欣賞，咁o既話，佢都好受嫁（尤其是碰o岩跟你面試的係佢史科老師，成績有咁上下的話…真係即收呀）。而之前，你就要去多幾次藝術館，背幾件器物，或書畫的資料先。

8. 至於上面提到的轉系、副修，轉系入去藝術系……好似每一、兩年都總有這些人，技巧係…點都要考入中大先，乜系都好，而又在第一年都盡take藝術系的基礎課程（藝術系yr 1 都要必修的），再用第一年大學的成績報轉系，基本上你成績理想，佢又見你take左好些藝術課程（重點係…take的過程中要俾佢知你係邊個），咁轉系時佢因為都了解你，又見你take過藝術系course，而俾你轉系。

至於副修藝術系，唔係唔得，但因中大計學分制，副修的學分唔能讓你take到幾多個藝術系的課程，而更高階的課程（如畢業班課程）也不能修。

到大學是副修啦, 因為你成續上無 SUPPORT 你的能力, 所以你要主修就唔會收你讀, 但入了大學後你副修或再轉科就可以

絕對可以，因為全部大學（包括中大）的art都不用你考會考art的，考了這科只是給他們作referrence，而能否入讀art這系主要是取決於你interview時的表現以及遞繳給他們的作品（西洋畫、國畫甚麼也行，總之是你擅長的）。當然，如果你之前有修過art，會較容易掌握那些basic的theory和技巧，是有好處啦。不過說到底，有沒有考art也是不要緊的，只要你有potential，你大可選art。我今年去了中大的open day，那裡art的導師也說不是要考會考art才可報讀的，但中大的art競爭比較激烈，所以要加油啦 ~~~~~