如何面對公司人事關係..........................................

面對這樣的問題，你應該先留意那位「阿姐」是什麼類人。

她如果是一個很能幹，做野多過講野既人，你就不要亂和她傾閒計了，
這類人主要是希望員工多做事少說話，禮貌地「早晨」、「唔該」是可以的，
但不要閒來走去跟她說是非講閒話，
反而...你多做一點事，包括做些不是你工作範圍以內的事，
例如加影印機的白紙，換 PRINTER 的炭粉....在她看來反會更受落。
這類人....她問你問題，那証明那條問題是你應該知的，
如果你唔知，你可以答她﹕「對不起，我唔知道，我查查看之後再答你可以嗎？」
認真工作，對她的說話、安排等認真處理是最好的方法。

她如果是個不多做事，經常與自己的「臣子」吹水傾計，
那你便要投其所好，說些讚美的說話，例如讚她今天化妝很美等，
買點零食請她吃，吃午飯時要埋推和她一起吃，
這類人....她問你問題，那可能只想找個出氣袋，
你可以答她﹕「哎呀，這個我不知道啊，XX 姐，你好人事，可以教教我嗎？」
跟這類人一起共事，最緊要是不要功高蓋主，不要讓她覺得你對她有威脅，
老闆如果讚你做事做得好，你點都說成是她教導有方，這樣你便可以在這公司生存了。

要注意的是....假如你是一個新人，仍然未清楚公司的運作及人事關係，
你最好還是少說話多做事，多保持笑容及有禮，
即使無故地被「阿姐」罵了，也當作是「阿姐」袋錢落你袋，
還要向「阿姐」說聲多謝，知道她苦心地教導新人，
做個乖乖聽話的小員工，叫你做什麼事都樂意去做，
那便可以安安全全地繼續在公司工作啦！

間間公司都會有D咁既阿姐架啦，佢問D不知所謂既問題時，最好唔出聲，反正答咩都死，佢根本只係想擺阿姐款至嘛。另看看佢有咩喜好，投其所好，同比佢覺得你好尊重佢，咁就應該無咩事架啦。學完野咪走 lo，其實通常依D阿姐只係做得耐，實質無咩料，比心機學野，將來實叻過佢。

係office多數都係咁,尤其是係d年紀比較大,做得耐既
有好多都擺到成個老細款咁,係又罵唔係又罵
要佢對你好d,第一你就要好口d,朝早見到記得叫xx早晨
見到面要同佢笑下,所謂伸手不打笑面人
如果佢問你野要答得有技巧d,千祈唔好答,唔知,唔關我事
老細最唔鐘意呢幾句,你最好答佢,呢d好似係呀邊個跟開wor,你不如問下呀邊個丫
或者 好似係呀邊個跟架wor,不如我幫你問下la 咁就比較好啦

在公司生存, 其實全部人都唔應該得罪
文職阿姐其實經驗好多, 所以先咁多人尊重佢
我覺得一場同事, keep好關係總好過搞作對
你可以試下得閒同佢傾下偈, 買下野比佢食
d阿姐好buy小便宜
佢咁對你好可能係"恰"新人既表現
你咪滿足下佢lor
只要比佢feel到你無惡意
佢就唔會點害你
如果佢繼續鬧你, 當佢唱歌就得
如果同佢對敵, 老細可能信個舊人多過新人
同時, 你亦應該聽老細話, 始終老細最大權
辦公室政治好複雜
問題無改善時, 你再post過都未遲
祝工作愉快!