想知男仔想咩(女仔都入得)

1. 唔係...只係無唔食魚既貓，但貓都鐘意食其他野既。佢地只係比女性更可以接受有性無愛，但唔代表個個都重性多過愛。

咁講啦，男仔有性之後，唔一定同你有愛.........女仔呢.......大部份如果係自願情況下發生性關係，之前之後都會對個個人有愛

2. 睇年齡、背景啦，有d男仔一打機就唔理女仔...但溫書時你叫都會去搵你......咁邊樣係正經野呢？

3. 你不如講下點解你覺得佢唔緊你？

4. 係！

2006-12-12 16:17:57 補充：
感情總有冬季既，過左米到春天囉有時唔好太計較一時既付出當然，你都要知道問題既所在，先可以同佢傾啦其實我係女仔，但當我做旁觀既時候，都真係覺得我地想太多，又睇得太細。你或者諗下，係d咩野你想佢做而佢又無做到既野講出黎聽下...share下...有時一個人諗 好易諗錯左再講，以一個外人黎講，未知詳細，多數都會好言相向既再講，要keep一段感情，係而家呢個年代太難喇感情都變得商業化，你有時唔想用禮物既價錢黎比較...但週圍既人會影響你

2006-12-12 16:18:17 補充：
啊，仲有仲有...而家既男仔真係好蠢架.....無論係追女、tum女....etc. 你唔畀提示，佢真係唔識、唔敢、唔知架睇就係你要主動d...但其實畀hints佢等佢識得tum你，令你開心....好過佢做左d野你唔鐘意..但又明知佢係對你既心意唔可以拒絕，來好得多啦

2006-12-12 16:18:29 補充：
最後，我想講我朋友講過既野：我為他編織，我給他整理；我為他歡笑，我為他哭泣；但他從沒送禮，沒說愛我；沒有甜言蜜語，不會營造浪漫；但是，當我想他時，當我們一起時，當我需要他時，他付出了時間和沒心思的心思。沒心思的行為，可能只是未合你/女性的浪漫幻想要求...但也許他盡力了。自己想想吧....有問題再問

1.係咪個個男仔都重性唔重愛ge呢?——

唔一定。要睇個男仔的個性、同米佢在成長過程中受到的教育及有形&無形的影響，先可以下定論。

就中國而言，總共經歷了三次性革命，第一次係80年代之前“從一而終”的性觀念；第二次係80-90年代出現的“性愛分離”的思想觀念；第三次係90年代後期到今個世紀產生的“有性冇愛”的性愛觀點。由於受到社會開放、科技&資訊發展的影響，在現代有好多青少年（唔一定係男仔）對性愛的看法發生了很大的改變，認爲可以“有性冇愛”甚至“性重於愛”，但係仍然有很多人覺得性係以愛為基礎、建立於愛之上的，係愛情發展到某個境界時順其自然發生的。其實世界上都仲有好多男仔（&女仔）好重感情，呢d只可以話係每個人的價值觀問題，我哋只可以話呢d觀點相對而言好或唔好，並唔可以一概而論話每個男仔or每個女仔都會甘樣想或者唔甘樣想。


2.男仔係咪一做正經野就完全唔理個女仔 直至佢做哂為止?——

唔一定。首先，要睇個男仔係米好重感情&係米好緊張個女仔，直白d講就係睇個女仔對個男仔係米好重要。

其次，要睇男仔的個性——主要係做嘢方面，係米一向都好認真做嘢個種，因爲有d男仔固然做嘢唔專心，佢對感情都係一樣甘唔專心；而有d男仔雖然重感情，但係做嘢的時候都唔中意有人打攪，唔中意分心，一絲不苟，簡單d說就係事業心都好重（在學生時代的男仔就會表現得好愛鑽研，學嘢專心）。

再者，根據英國的科學家近年研究表明，大多數男士（包括男人）都對所有帶電、發光的嘢感興趣甚至着迷，所以係電腦、電子遊戲、電子儀器等方面，大多數女仔遠不及男仔。如果你所講的男仔係屬於呢大多數中的一員，在呢d情況之下，都有可能好“認真”而忘記身邊人的存在。

綜合以上幾點做d觀察&了解，你應該可以好清楚甘判斷下你所說的男仔係米真係一做正經嘢就完全唔理女仔，直至做嗮個種lar.


3.點先知一個男仔真係好緊個女仔呢?——

我個人認爲最清楚個男仔係米真係好緊張自己的應該係個女仔本人，相信係呢度討論問題的人之中沒有一個人會比個女仔更加明白個男仔，因爲我哋並沒有同個男仔真正相處過，即——其實我哋完全唔了解佢的品性&思想。

在此，只可以建議個女仔做小小測試——例如試下多日唔聯絡，睇下個男仔會唔會主動聯絡番佢；自己生日（或其他重要日子）之前冇提醒個男仔，睇下佢會唔會記得之類……但盡量唔好玩搵個男性友人扮追求者or新男友呢樣，因爲有d男仔會成人之美，又有d男仔自卑心&疑心重——甘做只會破壞感情，仲有d奸人自己想飛對方正愁冇“正當理由”扮嘢反面。

另外，都係要靠個女仔平時親自多觀察，多留意對方的舉止行動，有好多小事都可以睇得出個男仔係米真係好緊張個女仔架。

4.人係咪未到失去就唔珍惜?——

唔一定。會問呢個問題的人應該就唔屬於呢一種人lar（我覺得）。

人係唔同的時期，遇到唔同的人、事、物，個思想同米價值觀都唔同，隨時隨地可能發生或好或壞、或小或大的改變。譬如，在考試之前仲有時間準備，無論邊個就算唔係好識點作都會珍惜時間好好溫習；對於人的相處來説都係一樣，有些人有左bb先結婚，但並冇因爲已經得到對方而不珍惜，相反因爲男仔體貼女仔為自己生bb的辛苦&犧牲而更加收心愛佢，而女仔都因爲男仔的呵護更加愛呢個家。人係米未到失去就唔珍惜，決定因素都係各個人的個性&相應的個件人、事、物當時在佢心目中的重要性，以及個人是否真正意識到。

希望我的答案可以幫到你ar.

2006-12-12 00:48:40 補充：
我覺得其實個女仔關於個男仔的呢四個問題係自己心目中已有些許朦朧的答案，但佢最想知的除左答案之外，更多的係點解&點做.......................希望我的答案是對佢有幫助的 ^^

1)係
2)係
3)同其它男仔玩
4)係

1.係咪個個男仔都重性唔重愛ge呢?
絕對唔係~~~~~我識好多男仔都好專一。

2.男仔係咪一做正經野就完全唔理個女仔 直至佢做哂為止?
多數，除做正經野外，尤其係打機都可以完全唔理個女仔。

3.點先知一個男仔真係好緊個女仔呢?
你可以試下唔理佢唔搵佢，睇佢重搵唔搵你。

4.人係咪未到失去就唔珍惜?
視乎個個人幾多歲，年紀大左慢慢會懂珍惜。

希望幫到你~

1, 2樣都可以有同冇
2, 佢同第2個有性愛果時咪完全唔理個女仔囉,直至佢做哂為止,其他事都唔會唔理!
3, 出街時,有第2 D男人望時會嬲嬲地/上堂時女仔同其他男仔捉晒手咁.都會嬲既就好緊
4, 係!!!!!!!