點解有D細路仔成10歲都仲要比個老母餵食飯？

其實依家仲有好多細路一出世就有專人服侍到佢大個仔大個女
有d細路好鬼大個
屋企個家傭重要餵佢地食飯
我係出面食飯個陣都見唔少依d場面
我同我媽咪都會覺得好慨嘆依家d細路
唔知d細路叫幸福定係被寵壞
我都見過大約讀4年班到啦
個媽咪重要彎下身幫個仔綁鞋帶!
其實可以話係家傭服侍得太周到
令到佢地好多應懂的知識都不會
另外係在父母眼中
自己的孩子永遠都係小朋友
所以先會縱慣晒d細路仔~
我以前2年班已經要自己返學喇~
點好似依家d細路去到6年班重要搭校巴/保母車
又或者係阿媽湊放學之餘要幫佢揹埋書包~

都係父母既錯, 因為他們太寵孩子了.其實自孩子手腳靈活便可教導他們自已吃飯啦!

唉....凡事都唔可以睇表面就下判決,家家有本難念的經,多數由工人/奶奶/婆婆湊大的,自理能力都會較差,但為左生活,都沒有辦法了,老人家有的是時間,幫手喂飯,穿衣是平常事,她們一般認為這樣是愛孫兒,並沒有想到愛佢=害左佢......
另一個問題就係小朋友本身有問題的,好像我兒子已六歲了,但有時都要喂佢食,穿衣佢可以自己穿,但扣細鈕就要我幫手了,因為佢有發展遲緩,但佢外表同一般人一樣的.....

因為她想向媽媽撒嬌！