我男友大我15年, 係一個要面大男人......

我曾經有個男友大我18年, 對我很好 (現在都找不到第二個比他對我更好), 所以我完全理解+明白你, 最後我分手的原因就好像你現在覺得自己不理解他, 他不願講自己的心事, 不會講情說愛, 大男人, 自己好辛苦唔知點做etc.
10年後, 我明白是自己少不更事, 不成熟的是自己. 點解：他因為愛你, 希望見得到你開心快樂, 他不願你替他担心, 更不想見你唔開心, 他知道要等待你長大係好冒險, 但因為愛你不想tie you up, 他希望要你明白他給你的自由及空間和選擇, 是他愛的條件, 這不是尊重與否的問題, 是他自己個人意願. 如果你現在和他分手, 他一定會很傷痛欲絶的 (如果你的他和我的他是同一種人). 但事實可能失敗的是你, 因為往後的日子你一定無法找到一個比他待你更好的人, 唔信就試試.
我會建議你的選擇是, 1. 做你喜歡做的事, 你愛他的話, 就算與其他人食飯, 你也可以光明正大跟他說, 當然他或會不高興, 不過很快他就無事, 你亦不要做些要令他緊張或不安的事, 在他面前繼續做一個乖考受他保護的小女孩, 不用動腦根, 亦不要問明白/知道他的煩腦, 你陪著他在他身邊已是對他的支持與安慰. 2. 如果你要做或要表現做一個成熟的女人, 現在你就離開他, 因為他不是要迫你長大成熟, 不用你幫他解決問題, 不是要與你共同成長 (他早已經歷你的成長), 他只需要等你長大娶你來鍚來照顧的, 不是娶多個呀媽/女兒, 你要想清楚, 因為真正全心全意愛你的男人不易找的, 可能你一生只會有一個.

2006-12-11 15:10:17 補充：
上述所有人講的都對, 不過不是人人有此經驗, 我好慶幸自己曾擁有他的愛和關懷, 現在他仍然關心我, 對我很好, 但大家相處只能是朋友式, 不能亦不敢多想一步, 因為放棄的人是我, 我已經沒有資格要求他去愛我了.

佢未同你講分手, 你都要還神啦.
好似上面講, 同你講心中的事, 你幫到佢咩, 佢只會更加煩同手忙腳亂

你選得佢, 因為佢有d個人之優點吸引你,
你就想要你心目中的理想加放於佢身上

佢對你好, 你就下佢
反來看
唔通佢無順你意, 就你咩.
佢想你成熟d, 同你想佢唔要面, 大家都對對方有所要求.

如果你就唔到佢, 不如分手啦, 因為你要放棄, 也是你失敗, 不是你男友失敗

第一, 佢有心事唔同你講, 唔一定因為要面, 你比佢細咁多, 佢可能覺得你人生經驗不足, 佢既問題, 同你講都解決唔到, 所以唔同你講. 同時亦因為你細個佢咁多, 佢點都覺得有責任照顧你, 所以佢好錫你, 唔想令你為佢的事擔心但又幫唔到佢, 佢怕你會因為咁唔開心.

第二, 佢係一個成熟的男人, 係你面前更加想表現得成熟, 因為呢個係佢既優點, 而佢亦相信你係因為佢成熟先鐘意佢, 所以佢唔會係你面前做一d佢認為只有後生仔才做的事及說佢認為輕佻的說話,

如果你接受唔到以上兩點, 你可能根本唔適合同年紀比你大咁多的人一齊, 可能佢亦感覺得到, 一方面想為你好, 叫你搵下朋友, 但另一方面又怕你最終喜歡同自己年紀差不多的人, 所以佢都好矛盾. 老實講, 佢依家應該比你更煩, 因為你俾唔到信心佢, 佢無安全感.

如果你真係好愛佢, 你要逼自己多點了解佢那個年紀的人的思想, 同多點跟他年紀差不多的人傾計, 如果唔係, 你地都會好快散.

講唔講我愛你都唔重要～咁你覺得佢愛你嗎？佢對你好嗎？

你何必在乎佢唔講果幾句說話～成日講我愛你～可能到時你會聽厭冇感覺

佢唔講～到真係有感而發既時候再講～唔係仲好咩？

你真係鍾意佢嗎？只係為左咁少既野就想同佢分手？你放棄佢勒？

佢怕你悶～叫你同朋友出下街～講梗係話男女都可以啦～

事實上～梗係男既．．．會有ｄ介意～佢唔呷醋～你仲唔知點啦～

（女仔有時對男友都會咁架！口話唔介意，心裡面介意到不得了）

嬲又扮冇野～你唔覺得佢好可愛咩＾＾～你咪會你方法氹返佢囉～

有需要既野佢自然會同你講～唔好成日要求佢咩都同你講～

人人既性格唔同

你自己係咁唔一定人地要同你一樣～

你要求佢呢樣果樣～想佢變成你心目中咁好～

倒不如你試下努力變成一個１００分既女朋友～

2006-12-11 14:38:29 補充：
打錯字！（嬲又扮冇野～你唔覺得佢好可愛咩＾＾～你咪用你既方法氹返佢囉～）

大男人要面是必然!!
女仔有邊個吾中意自己男人氹自己這也是必然!!
不要下下說分手,你是否不愛他?
多些溝通,了解對方,互相比面,才能令感情開花結果!!
比多些心機,他一定明白!!

2006-12-11 14:22:03 補充：
"佢叫我多d同朋友出下街, 男女都吾緊要"wing0boy解碼:這句意思是,你可以同女仔出街,你可以同女仔和男仔一起出街(眾數)但不是等同單獨和男仔出街.你這麼聰明什會不明白.你是有心氣他!!他不吃醋你才要生氣!!倒轉來他單獨和女仔出街,你會不會吃醋?哈哈!!

2006-12-12 12:37:18 補充：
兩地情就很難說,如果很愛對方又覺得lonely得無法忍耐同他商良一下.趕快走過去或叫他回來同甘共苦!!如果都有問題就順其自然.不要太自責!!

有時好要面的人, 有d咩吾中意都唔會講出口, 仲要扮冇野對住你, 我自己覺得有3個原因(1)怕你唔接受佢啦,唔鍾意佢啦.所以唔講! (2) 有些佢唔開心的問題, 你未必可以幫到佢解決, 佢唔想你負擔佢的唔閞心,唔想你擔心佢, 而唔講! (3)佢性格內向.他是那種呢?? 你比我們清楚!
你說得對兩個人一齊應該有咩吾中意ge要講,佢知道你的感受嗎?你可以向他解釋一下,
溝通很重要, 如果任何事可以跟對方分享,大家唔開心互相氹下對方/體諒對方, 不是更好嗎? 积积埋埋的問題, 只有絕路一條,就是分手!
我明白你們是相愛的, 但性格有些唔夾,你可以給大家一些時間, 看看怎樣再決定, 不要錯過自己鍾意的人!

其實佢都冇錯,只不過係妳年輕,冇佢咁成熟,男人大多數都係咁,你想佢講咩嘢比妳知?妳知道又點?可以幫到佢咩?男人多數比佢心愛的人分擔喜悅,唔會同佢分擔憂愁,可以講依D係男女分別之其中一樣.
女人喜歡有位聆聽者,男人喜歡有位知音者,男人身邊的女人快樂,係男人的自豪,身邊的女人憂愁,係男人的失敗,其實妳都知道佢錫妳,重要佢成日講我好愛妳,好想妳,唔見一日如隔三秋,咁老土咩!佢關心妳,好過佢講一百句我愛妳,佢講一千句我愛妳,妳重驚!
如果妳愛佢,佢又愛妳,做咩嘢要同佢分手?有時妳哋D女人,醒D哪!男人覺得依件事可以比妳知,妳唔問佢都會講比妳知,有D嘢妳都會感覺到,[除非妳唔關心佢]佢唔講妳都知發生咩嘢事!重要問人?人講咗比妳知,妳又幫唔到人,我覺得妳生在福中不知福,都唔知點講好?
我為妳男友祝福, [唔好比心愛的人傷害] 男人最痛

1/. 人地要面子, 有什麼不妥呢？你連你男友的這少少要求 都不能相讓嗎？

你不太重視面子，但你男友重視麻！你的Lover 的感受啊！為何還需要去 講道理呢？

你配合不就是 了嗎？愛面子而已，又不是 要你配合 他 玩 sm ??!!!

他又不需要你主動 去做些什麼！就只是讓他自己一個 愛面子便夠了。

2/. 佢有什麼不喜歡的, 放在心上, 其中一個原因, 可能係因為 他曾經輕輕地 提過你,
只是 你自己 冇放上心而已，男人不同於女人, 女人會責怪男人 同一件事 1000 千, 但男人不會, 可能說過 1~2 次, 便不再說！

你愛他的, 便要自己留意下 你lover的暗示, 不要老把 自己 看得 太大，今天愛你、疼你 , 未必是 一世愛你、疼你的，多多愛惜吧！

3/. 你認為 2人一齊應該咩都講出來而已，但 他可能不這樣去 認為的啊！

那麼，何不 你喜歡咩也說出來, 你可以繼續說的啊, 他也沒有說 不愛聽；
相反，他不喜歡說出來的，由他吧！

為何必定要跟 你 一模一樣呢？係咪？呢 d 叫尊重。

4/. 你怕積積埋埋會傷感情？！我不認為不說出來 會傷感情囉，我相信你男友都不認為。

愛 唔係下下要講的，只要你唔好咁 懶，肯用心去 感受下 你男友的需要，咁自然 不用下下 說出來啦！

只要互相尊重 大家的 性格上 的所謂 陰暗面，互相 體諒下 大家性格上的不同處，
根本 就不會傷什麼 感情的。難道要 2 人一模一樣 才不傷感情嗎？

5/. 關於 肉麻野。
你知道他疼你咪得囉，你愛聽，並不代表 人地 愛說麻。
你不愛吃肥豬肉，人地 逼你 吃，你會點呢？
你就算肯為愛 吃了，都想嘔啦！！！你想你男友 嘔呀？

6/. 你辛苦。你開頭都話：copy from you細心, 成熟同理智, 好錫我。

世上沒有東西是 十全十美的；世上也沒有東西 是必然的。

你不肯去 好好 欣賞你男友的咁多優點，只著眼 他的缺失，
以這一種性格去看你，你將來 找到誰，都會繼續辛苦。

你自己諗囉！





2006-12-11 13:25:52 補充：
錯字：女人會責怪男人 同一件事 1000 "千" →→ 1000 次 才對

你向他說出你的感受,並解釋2人溝通是很重要的,他不妨把開心的和不開心的都和你分享.

至於說情話,有些男人是不愛說,認為真心愛對方就是了,其實他不願意又很難逼他說出口,如sms或email吧.