✔ 最佳答案
我同男友拍拖已經有三年幾，但係我同佢感情都總好好，我自己覺得兩個人0既相處最緊要坦承，而且溝通好重要，有咩就要直接講出來，唔好怕對方介意而唔講，咁樣只會另大家愈來愈唔了解對方，造成冇溝通而變淡，而且切記唔好講大話，咁樣只會另大家失去信心，而且傷害到大家就唔好啦!!
至於見幾多~幾耐見一次呀~傾幾多電話，我覺得哩d好隨意架咋，但係其實會習慣成自然架啦~唔洗刻意計住、度住咁~我唔知你幾大啦~如果十幾歲或者剛拍拖的話可能會好注重哩d問題，又或者好在意對方點諗，哩d都好正常，但係大家都有自己的生活空間同習慣，最重要唔好迫對方去就自己太多，咁樣只會弄巧成拙，而且我自己因為大家都好忙0既關係由以前大家返學到而家大家都有工要返，我地都唔會一星期見幾次果種，因為我地都係好需要自我空間同自由0既人，唔想整個世界都剩返對方，因為大家都有自己0既朋友同工作，冇理由要成日見，但係我有d朋友一定要日日見先開心，放工一定要男友接送，唔見一日都好似世界末日咁，所以話人人唔同，最重要係對方同自己都接受哩種相處方式，而並非單方面咁就okay喇，最緊要雙方都有共識，咁先會開心。
2006-12-12 10:31:25 補充：
咁樣睇落你同佢好有問題喎~因為我男朋友而家0既工作關係，我地都係好難有得見，都係一個星期見得一次架咋.總要係夜晚得一陣..不過我地都好珍惜果d時間，所以我覺得如果你男朋友連哩d時間都唔珍惜同你見的話，你地0既關係應該開始有問題，最好坐底傾下，有陣時同同事去消遣係好正常，只不過連見女朋友的時間都冇，但係寧願同同事/朋友去玩的話，咁我覺得佢一d都唔重視你囉...你最好問下佢係咪總鍾意你囉~
參考: 自己
這個問題要配合太多環境因素, 如相愛程度, 身分, 年齡, 背景, 性格等等, 不能一蓋而論. 亦沒有規定性的時間表或指定動作, 或任何設定相處摸式.
一般相處之道在乎 ~~~~ 互相適時照顧及配合 (天時, 地利, 人和), 而互相信任/了解/忍讓/體諒是要視乎個人的修養, 性格內涵等, 不是人人都做得到的.
在職者：一星期要見多少次? 相信大家可以在休息日/假期見面就一定正常&合當, 大家都可以輕鬆地一同找節目消磨時間, 如平日都要晚晚見, 可能在最初的熱戀期比較可以接受, 但長久是會增加磨擦或太悶或太無聊, 所以平日可選星期二四or三五的晚上食個dinner/ lunch, 不過friday的男/女的都可能要些自由空間去輕鬆下.
學生者：正常的學生,都應以求學為首要, 拍拖都以假期六日比較適合, 不過在求學時要拍拖的一般都會日日見, 因為他們的時間分配比成年人簡單, 所以沒有什麼所謂啦!
講電話：一日兩至三通電話其實已經很足夠, 太多會好煩 (初時熱戀期除外), 但盡可能不要講得太長, 如果有太多講說不如見面啦, 何必要"煲電話粥". 講電話的出發點, 最重要是關懷問候, 不是報道or check 行踪, 如生病日不防多打幾通, 以表關懷.
相處：無論拍拖/同居/婚後都需要做的事
1. 要保留及預留互相的自由空間,
2. 信任你旳伴侶,
3. 作多方面的新嘗試, 拍拖節目要新鮮shopping/睇戲/食野等, 都作多些嘗試次次不同重好, 如去離島逛下食下, 一齊去做運動如行山/游水/做gum/打機, etc. 睇戲都可以在家煮飯仔睇碟, etc.
4. 要投其所好 (要支持你的伴侶), 如他踢波你睇波, 她shopping你等候, 要接受他/她的家人/朋友/同事....
相處時太多了事要做, 不能盡錄. 祝君好運.
2006-12-11 14:00:01 補充：
男女間尊重是必要, 不過最緊要簡單同開心, 太多的分析理解是沒有必要的.
參考: myself
嘩！同你拍拖 肯定悶死！！
why ? 因為 好多 數字、好多 計算、好多理性分析囉！
==================
Me :
無論拍拖幾耐都好，想見就見，想約就約，想打電話便打電話囉！
當然當中要看看對方是否有空囉！
相處時，會好開心發現大家的相同處，亦會好奇大家的不相同處囉！
我選得的男友, 我都100% 滿意，因為我好難追嫁，
只因 我有自己喜歡的某種特定的 type 麻，咁難選中，當然 100 %滿意囉！
未失過手。hehe
相處時，除了 親親密密那一part外，平時相處 好互相尊重，
聽說，香港女仔 好少尊重男友的，她們只看重自己的 feeling。
有時, 都未必常常見面的，因我、他也有自己的 friends, 大家也有自己的理想東西要去完成、大家也有家人、大家也有各自的 habits，所以 一有機會見面時，他 和 我都係 勁開心的。
我們都喜歡這種生活方式，我頂唔順 常常stick 著的 lover！！！會透不過氣來呢！
成日見，見都多 會悶 ga 麻！見得多了，連話題都會 完呀！
所以 第時 結婚 最好 係一 flat with 2 rooms！
我同我男朋友拍左拖都有四年幾, 初初一齊果陣見得好密, 日日見得黎仲要係好長時間, 一放工唔理所有野就出去, 做咩都好, 就算睇電視都覺得好sweet... 但係日子耐左, 就越黎越覺得大家淡左....... 今年佢仲要去左第度做野, 間唔中先可以返黎一次.... 因為呢件事, 我地坐低傾過, 大家有咩就囉出黎傾, 我地都覺得要坦誠先可以令大家以後相處得開心D... 傾完之後我覺得大家都更加珍惜可以一齊既時間... 雖然大家一齊左咁耐, 但係而家我都會好期待佢幾時返黎, 佢亦都好期待佢幾時可以返黎.... 我覺得大家一齊開唔開心係好視乎你地兩個之間既溝通... 最緊要係大家有咩都坦誠同埋信任, 唔好收收埋埋, 先至會開心囉!
