✔ 最佳答案
我上過那堂免費教練堂, 真係學到嘢, 不過, 之後俾佢煩足你大半個鐘, 又話幫你 set program, 叫你 join 教練堂, $800 / hr 咁貴, 點 join 喎!最平都話要 $400 / hr, 傻o架!
不過, 若果你上完教練堂, 可以好強硬表明太貴, 話無錢 join, 錢俾晒入會的月費, 點都唔俾佢 sell 到, 咁上下學嘢又無妨, 真係教得 ok 的, kickboxing 的免費堂都學到嘢, 將來上 body combat 時會識發力, 避免受傷。
記得係要強硬地拒絕, 不可以心軟, 教練最愛話你能拿幾錢 budget 出來, 幫你 set program, 就算 budget 是 $400 一個月都能 set program, 唔好信, 其實佢只係用 $800 / hr 去計, 若你的 budget 是 $400 / 月, 佢會安排你兩個月上一堂, 條數無變過都係咁貴。
你若唔去上免費教練堂, 佢最多只會打電話問你做乜唔上, 佢哋會有乜嘢教俾你, 但你只要表示, 絕對唔會 join 教練堂, 太貴 & 無時間上佢就唔煩你了。唔會話唔上就要收錢的。
不過, 就算你今次上或唔上, 佢幾個月後又會打來話做 assessment, 又或者有新 course 叫你試玩, 如 kick boxing, 就算是你在玩 weight training 或 cardio 機時, 一做錯少少, 教練會走過來教你, 之後就 sell 你半個鐘啦!
所以, 最好的對付方法是要絕對強硬!