我同佢係乜野關係﹖(請男仔解答)

我有一個男性好朋友叫A君，佢而家唔響香港；我同佢感情好好，好到我自己覺得有點曖昧，自問自己唔多唔少都有D鍾意佢。我好記得響佢臨離開香港前，曾經叫我考慮下佢個朋友，佢特別強調對方人工高，條件好。佢咁講係乜野意思﹖ 如果真係鍾意一個人，你會叫佢揀第二個嗎﹖ 定係佢係因為自知就黎唔響香港，唔想我為佢浪費時間，所以叫我諗下第二個﹖ 又或是佢只係想試下我呢﹖ 我當時已經回應佢：「你估我真係咁現實既人咩﹖」 有時我同佢呻工作既壓力，佢就話我好複雜，又話：「原來我同你距離咁遠」；我問過佢唔知自己點解會冇男朋友，佢就覺得我好好勝……

時至而家，我地都有KEEP住聯絡，響電郵中佢都有表示好掛住我同埋想返香港同我詳談，佢仲響我個Blog度留言話見到我個entry都覺得好開心tim!~ 佢仲話想幾時都見到我開心同埋期待我將生命中開心既事同佢分享。我都覺得幾sweet架!!!!!!

其實，我都唔知我地係乜野關係，我而家真係等緊佢返香港，哎，但係我知佢心裡有一個放唔低既前度女朋友，加上佢又為家庭同事業問題煩惱。到底我應該點做呢﹖ 我地真係只可以做好朋友嗎﹖最重要係唔知佢放低左以前段感情未……