✔ 最佳答案
月供股票,um……要識得簡邊隻股票的。因為股票風險都幾高,分分種蝕左好多錢都唔定,例如之前的籃籌股 (籃籌股是穩陣見稱的),8 號仔 PCCW 盈科,我朋友家人之前 5 萬入,最後狂跌,到到 12,xxx 走人。所以,要識睇點玩……雖然月供都能減低風險,但對於一隻狂跌的基金都是無用的。所以,通常買 d 穩陣 d o既,博佢 3 年都能夠升值,賺到錢走人。當然最好是睇不同的報告,慢慢分析。或者找專人分析~~
基金就相對穩陣。一隻基金大概 >50 隻股市組成的。買的就是不同國家的股票、債券、投資工具。能夠分散風險,依家市面上的月供基金基金,大概一千蚊鬆 d 都可以參予,通常是簡最多 10 隻的基金。風險就在乎自已選擇很勁的基金、還是保守的基金 (就像 MPF 一樣),穩陣的大概 5% 回報一年,勁的可以去到很厲害。如果今年年頭買的話,依家會好開心,因為今年很多原因導致賺到多 d 錢的,有 d 基金都升左幾十 %。不過,依家都已經年尾,下年經濟不是太明「郎」,好大程度上去唔到今年的表現。
自動轉脹日期方面,你選擇計劃時可以額外要求提出的。每間公司都唔同,通常是月中、月尾。但額外要求都是可以的~~
有一些人會用這提的方法迫自已儲錢的,的確每月儲千鬆 d o既 (即每日食少餐貴飯,慳返 $40 左右)。但我認為,除了這樣的消極方面之法;積極方面,可以大概記錄自已平日的開支,例如一個月的交通、食飯、拍拖、消閒費用大概是幾多,之後慢慢預算的。因為就算迫自已儲錢,但內心的習慣未適應的話,會好辛苦的。
我最後的結論是,先了解自已大概的消費模式,再計下最盡、最少可以儲到幾多。之後先選擇投資工具。