✔ 最佳答案
1.果兩區既獸醫都唔係咁好, 最好去跑馬地搵何大成及灣仔愛協做手術, 無發生過咩大問題!
2.第一日帶返屋企放佢週圍走下, 熟習下環境, 佢可能會痾尿, 你要留意佢係邊到痾得多, 放定舖紙或尿片, 等佢痾完放入狗廁所或狗籠, 等佢個籠有尿味, 話比佢聽係邊度痾, 咁好快可以學識, 叫多D佢個名, 等佢知自己叫咩!食完返痾埋屎, 可以放返入籠訓覺, 驚佢叫抱到佢訓著先放入籠, 籠裡面要有個咕0臣比佢墊住訓呀, 再用大毛巾包住個籠, 唔好冷親佢
3.HERY出既沖涼系列及洗眼耳都好, 好香, 及都乾淨, 史立沙皮膚好DRY及敏感, 你買專用配方比佢啦
4.剪指甲可以去寵物店, 大約三至四十蚊, 但沖涼係包埋剪甲及修耳毛, 腳皮底及肚毛唔會額外收錢
5.剪裝要二百五至三百, 淨沖涼睇狗狗大約, BB至三四個月都係百零蚊, 睇磅數架! 所以女仔沖涼平D!
6.去康怡紅蘿白或QPET沖好D, 人手多D, 沖完既吹乾, 唔會冷親, 我個FRIEND住北角都帶狗狗去第二度沖啦! 其他PETSHOP注重賣狗或用品多過嘥時間幫狗狗沖涼, 無咩心機同埋比較求其!
7.平時用化粧棉沾洗耳水, 幫佢抹下, 了下OK, 深入D就滴滿耳仔都係洗耳水, 等狗狗FING返出黎, 用棉花索乾, 再用棉花棒撩乾!
8.屋企要有飲水器, 狗籠或狗廁所加個圍欄, 狗兜最基本, 將地上所有野(最重要係鞋)收好, 吸晒塵, 拖乾淨個地, 每日都要用清水拖地, 每星期最少一次用漂白水拖地一次, 記住要過乾淨水, 玩具衫仔少不免, 廁所廚房隔好, 唔好比佢走入去玩水或執垃圾食! 毛巾要準備定一大叠! 抹手紙用黎執屎尿, 即棄手套都要有定!
9.圍欄大約三百至五六百都有, 有D過千, 睇不锈鋼或電鍍啫, 電鍍平D, 平D選擇當然係狗籠啦, 史立沙最基本都要兩呎半以上, 我之前用包膠籠, 而家用電鍍, 但電鍍成日CLICK住D屎執唔晒, D屎仲會跌唔到落底, 日日都要洗籠, 好鬼煩, 又重, 每次一開一收都會夾到手指, 痛到爆, 我覺得包膠好D, 但好快殘, 仲會彎, 但咁平可以一年換一個新!
