聖誕節打算去珠海海泉灣玩?有d野想問...thz!!

最緊要, 有什麼人同行呢? 拍拖去?

我上次同屋企人去, 都係中旅買套票. 我都有加1晚

住, 你一定要買"海泉灣酒店"的package, 講真酒店好新好靚, 早晚都有resort feel, 正. 影多d相.

2日1夜. 如果只是去神秘島同逛逛. 夠晒. 不過, 坦白講, 有點浪費啦.

點解唔浸呀? 最出名, 最大賣點wow........如果唔係皮膚敏感, 本人極求建議你去浸溫泉, 好正呀, 果晚你會瞓得特別好. 又可以玩溫馨, 浸溫泉蛋 (先忘卻近日的蘇丹紅)
其實, 入面似水上樂園多d. 有滑梯, 又有不同溫度及特色的溫泉. 只係, 有部份在室外, 唔知聖誕會唔會好凍..........

仲有, 夜晚有個nightshow," 海邊的夢". 可以去睇下. 又有舞蹈, 雜技, 等等.... (鬼佬opera feel 但唔會好悶)
貼士: 唔駛買貴票 (旋轉果隻), 坐高少少仲好, (當然唔係山頂位啦), 總之好似買超等咁, 先至睇晒全景. 好似 7:00後, 記住買定票, xmas 係peak season呀.

食嘢方面, 酒店早餐good, 神秘島就好一般, 在溫泉區內食用都ok, 仲有自助餐(我未試過, 但個樣幾ok). 至於漁人碼頭一帶的食肆, 我去時好多做緊裝修, 無試過.

另外, 在溯邊早上可以玩下艇仔/ 水上單車, 個人工湖都好正.

至於, 神秘島, 主力玩亡命機動遊戲, 我就無勇氣la. 只是去左個人工沙灘, 都唔錯. 我估xmas 佢地會有d 音樂沙灘之夜, 你去問問.

由於在港出發坐船要1粒鐘, 去到又要坐個幾鐘先到. 扣埋扣埋, 唔係太多時間. 如果你去埋溫泉, 建議你住多晚, 都係唔去, 行程就可維持不變.

希望幫到你la....玩得開心d