有冇人賣樓, 試過比地產食價?

有信譽代理都死. 因為樹大有枯枝.

我都險些畀個經紀食價. 大行嚟架.

11點打電話畀我, 話剛才買家睇完樓, 最鐘意我層樓, 叫我去收訂.

夜孖孖, 我幾個細佬怕我畀人呃, 同我一齊去到已經將近12點.

佢地壓低個價, 話機不可失, 「而家新樓減價搶客!」 叫我唔好諗太多. 叫我快快簽約收票. 但唔見個買家.

我已經好眼訓, 神智不清 : 「剛才打電話畀我, 都冇講係咁低價!」

我細佬火起, 話個價咁低唔ok, 叫我唔好收. 佢地有幾個人守住出口, 「等你家姐自己決定啦!」

我幾個細佬話唔畀走就報警, 「係咪想侷人賣樓?」有小小踫撞, 好堅持先走番出嚟.

幾個細佬就再教育我 : 「宜家你信啦, 重話大行就信得過! ? D手法似足黑社會, 好彩我哋跟嚟! 都話夜孖孖咪制架啦!」

我親身經歷, 敬告各位, 夜孖孖唔好去地產行做交易.

地產代理要收多D佣金就更係要在買賣中間隱瞞樓價真實啦, 下次要做好資料搜集或找有信譽代理