請問咩叫仁心不足蛇吞象？

我想你是想說人心不足，蛇吞象。
比喻比喻人的貪心不足，就像蛇想吞食大象一樣。

呢個係一個民間故事.

話說以前有個人, 佢個名叫"象".
佢對母親好孝順.
但係佢呀媽得到一個病.
醫生話呢個病要食蛇膽先會好得返.
咁呀象就入深山搵蛇.

入到山後,
終於比佢見到一條非常大既蛇.
佢話比條蛇聽佢既情況.
條蛇有感於呀象既孝心,
便答應比佢割條蛇既膽.
不過條蛇既條件係每次只可以割小小,
因為割得太多會令條蛇死亡.

呀象應承左.
咁佢就帶住把刀爬入蛇口,
一路爬一路爬,
見到個膽就割左一小忽,
然後出返黎.

但由於佢呀媽個病唔係食一次蛇膽就得.
所以佢要再去搵條蛇.

條蛇亦都比佢再次取蛇膽.
但就提佢唔好割咁多, 因為條蛇會好痛.

於是呀象再次爬入條蛇個口.
當佢見到個膽既時候,
佢諗橫掂都要入黎咁多次,
不如一次割大舊d,
咁咪唔使成日再搵過蛇膽囉.

結果佢今次割得好大舊,
條蛇受痛,
忍唔住合埋左個口,
將呀象吞左落肚.

呢個故事係叫人唔好貪心,
取得自己應得既就算.