想問吓"建滔"可否長揸?

建滔，我想你指是建滔積層板．#1888 肯定是值得長揸的股票，落唔落車主要是否此股短線升過龍．#1888 今日收成九個幾，預測市盈率是１６倍左右，比其母公司#148 市盈率高三倍ＰＥ，仍然合理．因為＃148 最賺錢的部份就是積層板業務，所以比較冇咁賺錢的項目仍然留係母公司，從市盈率計#1888 一定要高過 #148．由於＃１４８仲揸住　＃１８８８七成，所以個仔升，呀媽都升，母憑子貴．
圖片參考：http://hk.yimg.com/i/icon/16/35.gif


你走唔走，就好睇你自己態度，在乎你是投資者或投機者．如果你是投資者，你應該投資一間公司要睇長遠些．因為估計＃１８８８　肯定仲有增長及成長空間，加上是行業領導者，你放左去就等於放棄了一間投資一間好公司．這就是從投資角度去分析．

就算是從投機角度去分析，而家＃１８８８短線肯定未到價，好多散戶（短線客）抽到一手必會在喱幾日沽，然後去抽第二隻．所以而家喱兩日買＃１８８８嘅人係唔會咁快沽番出去．短線來講應該係最多人沽貨的日子．當短線散戶沽晒貨，自然落入強者之手，貨源歸邊，先至炒到你唔信．所以今日咁快開車，我都覺得有點意外．炒股當然要順勢炒，人地炒上你走去沽是否老趁？＃１４８是基金愛股，＃１４８最正件野分拆出來成為　＃１８８８，如果你係 FUND 佬，你會點做？
圖片參考：http://hk.yimg.com/i/icon/16/33.gif
你睇吓啲 Fund 佬有揸的股票，唔會咁平，反而越炒越高．所以本人肯定唔沽住，睇定啲．本人係上市當日第一口價　＄８．７　掃入，到而家都未唸住沽．

幾時沽？答唔到你，睇形勢．當我發覺啲基金出貨，我咪走囉．基金入緊貨我去沽，我咪好笨？我之前推介啲網友買　＃５４，＃１３，＃９３９，＃１３９８等等，最近升咁多我都未肯走，只係反而越買越多，至於要蝕本因自己睇錯或市場唔就的，就要蝕都要走．炒股最忌將好的股票沽出，以為有些錢賺落左自己個袋先；反而加碼一些要蝕本的股票，因為想溝淡．到最後你會發覺你個倉全部都是衰股，越綁越多．這就是我十幾年炒股領悟的道理．

YOKI WONG
圖片參考：http://hk.yimg.com/i/icon/16/5.gif

上面o個位大學生真係講得好好. 我睇股睇左2個月, 都心知好多道理, 投資一間好公司係好重要, 抽得股我都唔會預佢放住, 除非比招股價還要底, 佢升緊點解要放, 一係你真係好等呢d錢用, 唔等錢用, 又點解要取出黎呢, 怕佢會跌? 起起跌跌緊有, 不過日子長左, 要線都係會向上升, 呢樣野我睇左好多隻好股都係咁, 建滔都係好野, 要會放棄佢呢.

要知道建滔積塵板是母公司建滔化工(現值$30以上)最賺錢的,so 有很大potential.
suggest $9以下加碼

本身每一隻股票都應該長 keep, 短炒的話都不應上市二,三天就放 ,你可以睇返的是 ,新上市的新股都有很高的成交額 ,但係都唔會穩定大起大跌每一天 ,最好過多一,二個星期先放

如果唔係等錢用 ,應該長 keep

根據今日商業二台下午人生交叉盤節目內，嘉賓主持郭思治的評論應為下一浪應是11元。
信唔信，就你自己決定。