那家傢俬公司最好? 那家裝修公司最有信譽?

我結婚果陣時, 係在永安公司, 吉之島及海馬買有現成貨的傢俬, 分別買左衣櫃, 五桶櫃, 電腦檯, 地櫃同埋床, 只要揀對自己要求的尺寸及顏色便可, 不用擔心有問題, 而好D傢俬好實正, 我用左幾年啦! 不過, 千祈唔好幫襯翡翠藤器呀! 我就係幫襯左個書櫃, 當佢地送貨時, 我地發現中間有塊板點插都插唔入個櫃到, 要求送貨人員更換, 他說他只是送貨, 要換要致電門市, 我地致電門市後發覺, 個Sales 360度態度轉變晒, 由原本好有禮貌變到好橫不講理, 首先, 請佢回覆電話俾我地, 佢話要check下有沒貨先, 點知等左幾粒鐘, 無晒回音, 我地要求搵經理, 點知經理態度重惡劣, 我地原先要求佢地換個個櫃, 她又話無我地揀果隻色, 問幾時有, 又話未知, 結果叫佢退錢, 佢玩足你一日, 左推右推, 我地最後致電佢地總寫字樓, 投訴佢個櫃之餘, 同時, 投訴埋果個分店經理及話要去消委會投訴先至有得refund !!! ~~~

我3月尾剛搬上公屋細單位,間了一房, L 形床連梳妝枱, L 形衣櫃, 一個地櫃 同廚櫃 用了$14000 朋友上嚟看個個都話好.
佢舖頭名: 樂奇傢俬設計公司
九龍城衙前塱道 1B 號地下
電話:23826772 (萬先生)

好似大貓所言,真係有街鋪嗰隻好d囉. 有事都可以知道走去邊到追究! 買傢俬唔係買衫. 唔可以話換就換. 半年前我去北角皇室家居買咗個衣柜. 到依家都用得不錯. 最記得當時個店員仲介紹我在衣柜內加上不同間格. 我依家用落真係覺得幾好用0架!

相信你不可以在此找到答案，因為「最好」是頗為主觀的，而且是與「好的客人」相對的。傢俬/裝修公司提供了合格的服務，但有些客人會吹毛求庛，攞放大鏡驗貨，這是否說傢俬/裝修公司做得不好呢？

我會建議你問下親戚朋友街坊，有冇一些幫趁開的，收貨時都企理的。或者留意下屋企附近有冇一些開咗好多好多年，但又未執笠的，衰極有個譜。

裝修公司最緊要一定要有地址，最好係街舖，有事都可以上門追究。