台灣升學問題. 希望有台灣讀書的人回答.

2006-12-09 6:45 am

我係一個中四的學生. 但係想問定先.
都有幾多問題下架...不過都希望可以有詳細的解答. 唔該哂.

1. 國立台灣大學係咪台灣最好個間? 香港受唔受到認可?
2. 如果要入到國立台灣大學的話. 係成績方面大約要到邊個水平?
即係會考個陣大約要幾多分倒先到佢的水平?
[我知佢地唔計會考分. 但係我係想知個大約水平]
3. 係台灣讀書如果普通話唔係好掂..[但係聽得明. 講到d簡單溝通的野]. 咁點算?
4. 除左國立台灣大學之外. 仲有邊間係出名?
或者對以後搵工會有幫助?
5. 我讀文科的. 我個間係英中. 除左中文. 文學同中史之外都係用英文教學.
我有讀中. 英. 數. 文學. 電腦. 地理. 經濟. 中史. 如果我過到去讀乜野科會比較好 ?
6. 聽人講台灣的數學比香港好. 而且程度深好多. 咁去到個邊學習會唔會好難?
7. 香港人易唔易入到國立台灣大學? [我係讀band 1中遊的學校. 名次大約110左右]
8. 國立台灣大學係咪比香港的大學難入?

希望大家可以詳細咁回答..
亦希望有d係去左台灣讀書的人回答.

回答 (1)

[匿名]

2006-12-09 7:35 am

✔ 最佳答案

1. 總體黎講, 台大係最好, 個別就要睇你想讀咩科. 做政府工就要去香港學術評審局做評估.
2. 講真好難用會考個分去計, 因為考的內容同會考唔同.
(我自己當年會考純商科16分, 讀讀下中六去考台灣試, 只係睇過d past paper,都可以入到好唔錯既大學)
3. 唔洗怕, 只要敢講, 好快就得, 比自己1-2個月就得. (自己經驗)
4. 都好多唔錯. 國立: 政大師大成大清大交大私立: 東海東吳輔仁
5. 唔可以幫你答. 你要睇自己興趣,如果你報考文科, 有好多好多香港無既科既選擇.
6. 的確係, 我maths會考攞c, 去到讀微積分都有壓力, 但肯努力唔走堂一定pass.
(你真係怕都有個終極方法就係你選唔需要讀數既科 ex 中文歷史哲學...)
7. 好唔容易好難, 無咩香港人入到, 澳門人就容易d, 因為澳門中學教既同台灣比較match.
8. 我答唔到, 我無考AL就過左台灣. 但我覺得你有能力入HKU, 就唔好睇台大. 除非你想係台灣定居. 台大既學生的確係好top.

參考: 本人今年係台灣的大學畢業

👍 0 👎 0