按揭的問題！

我都係過來人,不過以你這個情況,我認為你真係要諗清楚先.
首先,你每個月的收入有$12000,供樓已經使咗你差不多一半,餘下的一半只有$6000,夠唔夠你日常開支先?水電媒,電話費食飯搭車費,管理費差餉雜費厠紙都要錢嫁,仲要衫褲鞋襪(當你好慳,每個月只係買$500衫),又要預埋交稅及時不時收到紅色炸彈做人情(公價去就500唔去都要$200),再加上每個月唔好彩睇一次醫生,咁你d錢無晒不特止,仲要嘔'突'喇,到時行路返工都要俾錢買多對鞋呀.
你仲要考慮吓將來加息,咁條數仲甘,到時分分鐘要每個月供$6500,你仲邊有錢?
我勸你都係要三思,免得過到時你供唔掂仲慘.

如果預計收入穩定, 買樓係好事.
早d上車供完樓, 生活安定, 先苦後甜。
當你d朋友重係掛住玩, 你已經上岸, 幾正.

其實, 進唔進取是好睇係邊個人羅, 睇下你係咪可以付出代價, 睇下你既目標係乜野羅?

有D人每個月都要有很多消遣, 每個月都要很多支出的, 如果係咁, 你要佢冇錢駛, 不如叫佢乜野左仲好過啦! 但如果有D人目標是早D有層自己的物業, 佢一面捱緊麵包, 但係佢就好開心, 所以, 冇得一竹篙打晒一船人的......

好多人成日驚供多幾年會比多幾萬或幾十萬元利息, 但我覺得, 有得供長D, 令自己生活舒適D, 這不是錢可以買得到的!

如果12000元收入, 如果買層100萬既樓, 我建議你就拖長黎供, 分30年, 借95%, 連按揭保險每月都係供5006元, 利息是4.5厘(同業拆息+0.5%, 上限是P-3)。到時有機會儲到錢咪先還一部份羅, 而且4厘半真係好低息, 以前係銀行做都係供4厘......

我觉得是有点太进取,因为您供楼后就只有HKD6,300.-水电煤,又要养父母(假设要),就没有余钱可以作为SAVINGS以备不时之用. 为何不跟银行谈谈来长来供,他日人工加后才供多点.