單身女仔申請美國visa(急)

我在10月頭才剛去美國旅遊~~(一個單身女仔)
我係8月尾先至去申請美國visa 0既~~
不如講下我0既經驗俾你知啦~~
首先我同你0既 background差唔多~~
我都係20歲有多啦~~~
今年2月先至轉到現在0既公司, 都係做咗半年到~
我都係無咩錢係戶口啊~~(大概 萬幾蚊到 ) 而且無任何資產~~~
申請visa面試個日, 我都係帶咗 銀行存摺啊~~重有訂咗機票0既單據 (證明我真係住10日)而且個張機票重係電子機票0既recepit 都未付錢呢 ~~重有最重要0既公司請假證明書啊咁~~

去到交表時, 出面counter個小姐問我有無公司卡片, 我話我無~~之後收咗我0既表格 同 公司請假證明書信, 其他睇都無睇~~~
跟住入去見領事啦~~~
見領事前, 要坐低等叫自己0既 number (之前會俾張票你)
等咗一陣, 就叫你埋去問野啦~~
領事會問一些簡單問題 (英文對答), 佢問咗我三條問題
1. 去美國做咩 ? 我答 shopping / visiting / travel
2. 問我係公司負責咩工作 同咩 position ? 我答 咗我係邊公司 做野 同 個做d 咩野咁~~
3. 去美國幾耐 ? 我答去 10 日

跟住就叫我去第2個counter俾郵費, 收咗我本 passport , 話遲d 寄返俾我~~
隔咗 4日就收到自己本passport 入面簽咗 10年0既visa呢~~

其實好簡單, 唔好諗得咁難~~
最緊要 填表時 最好填 埋 到個邊時0既地址 , 如果係住 朋友 或 親戚0既屋企 , 填埋個地址 都無咩問題 !
我去美國係去探我男友 而且美國地址都係填咗男友地址 ~~都無問題啊~
同埋公司信重緊要有幾個point一定要有~~

1. 一定要寫清楚請假0既 日 子 由 幾多號 至 幾多號
2. 一定要寫你放完假後會回到你公司返工
3. 一定要寫明你放假係去美國旅遊
4. 一定要寫你係由幾時開始係現在公司工作

我之前係去永安攞咗d 有關去美國0既 單張 , 入面有呢d 公司信 sample..
我就咁俾呢張sample俾我人事部寫....都好簡單啊~~有公司印 同經理簽名就攪掂哂啦~

我之前都好擔心攞唔到~~但係原來唔係想像咁難~~

加油啦你~~做足功夫~~無問題啦~~^______^

要證明你有正常職業，去美國沒有打算長留，觀光後便返香港。佢好怕 d 人逾期居留同當地人爭飯碗。

如公司有給你印 name card，最好帶埋去。

另外，申請表格記緊點都要寫低酒店名稱，即使只是計劃中未落實。

我剛申請倒visa, 佢地唔使我提供公司信, 稅單同資產證明, 但我現職份工做左成6年, 唔知有冇關係, 資料方面比我想像中要得少.... 但多口提句, 你申請一定要話比佢知你會在邊度住, 無地址電話聯絡人係完全唔會受理.... 總之申請個visa真係好似同佢乞甘, 我都煩左一大輪, 唉.....

如資產不多,香港要有物業or在港做生意機會大好多.