孕婦的憂慮(請多多幫忙)

其實唔駛咁麻煩,又唔駛咁驚~你去健康院做第一次檢查既時候,佢地會問你係附近邊間有產科既醫院生,如果無講就自己去問,佢地會係你既資料度會填上係邊間醫院生,到你差唔多生,就會有人同你follow,如果無位,佢地一定會同你講,再睇下去邊間醫院生~好似我朋友咁,明明住屯門,但屯門醫院又無位,結果去左仁濟生,但佢地會一早講明有無位~
但係唔係瞓走廊同廁所位隔離就真係要睇你彩數囉~就算你經急症室上,佢地無位你都係要瞓果d位架,鬼叫d大陸人失驚無神話走去生,香港係福利社會,又話講人權,唔可以唔理,好多野都預測唔到~
如果你係私家睇產前,就要問返私家醫生點安排喇~
祝生個肥肥白白既bb!!

唔使擔心.. 因為即使擔心都係擔心唔來的... 大陸產婦來唔來香港生仔並唔係我地可以控制的... 本來政府的政策係點亦都唔到我地話事... 既然一切都係未知之數.. 不如唔好唸佢啦... 太大壓力對你同bb都唔好o架....

至於預約床位問題.. 如果你預產期係明年4月.. 而又未係政府醫院預約的話.. 我唸你都唔使唸了.. 因為政府醫院d床位好full o架... 可能已經爆晒.. (不過.. 如果你唔怕麻煩兼俾人鬧.. 都可以逐間試下打去問o既)..

如果你選擇係私家醫院生.. 你只需要同你睇開果個婦科醫生講你想係邊間生.. 佢會幫你安排o架啦...

希望可以答到你的問題啦.. ^^

照我理解如果唔係特別事情，例如大人身體或bb健康問題，自然生產的只可以估計日期有時會有好大出入的，我都都一個仔一個女可以講有兩次經驗都係政府醫院出生的，如果要好日子出世當然要私家醫院啦，現在的情況係好特別，一個無能的政府令到好多好像妳的人好苦惱，同我無關係 (我的仔女都廿歲多啦) 不過我都好睇唔過眼，妳唔好太擔心，國內人都因為有人權，佢唔收唔得，那麼妳只好照正常安排檢查，就算佢話無位都唔好理佢，到時打電話叫白車囉，一般都會同妳安排到，會唔會在廁所門口加床就唔知，不過正常三幾日就出院啦，妳必須要保持正常檢查無事就可以安心.............只係我估計，如果幫妳唔到唔好嬲，祝順利及大細都身體健康 !!!