想問姊妹們....有冇試過俾人非禮時大叫.......

我以前就一定唔會出聲囉. 但人大咗就覺得唔出聲好對唔住自己呀!~

記得有一次在巴士上, 當時我見巴士上層重有好多位, 但唔知點解, 過了兩個站, 居然有個好高大既男人坐係我隔離, 當時有少少覺得其怪, 但都無理會, 過了不久, 我發覺佢有所行動, 他首先(橋)手, 將自己個背(狼)放在自己大腿上, 再用件風(嬲)遮著隻手, 我當時都好驚, 不斷用斜視望佢, 當然佢見唔到我望佢啦, 再過不久, 佢申隻手過嚟掂我, 嘩! 不得了. 我即刻好大聲喝佢, 同佢講 (喂, 你做咩呀! 唔該唔好申隻手過嚟) 佢即刻縮返隻手, 然後我再同佢講 (唔該你唔好坐咁埋) 我諗佢當時都無諗過我會出聲囉. 失敗咗啦.

然後佢即刻坐出咗少少, 過了幾個站, 佢就落了車.

但事後我都有少少唔甘心, 我應該落樓下同司機講, 然後不動聲色打電話報警. 激死.

我都 no試過俾人非禮.

我就冇大叫。

試過一次，當時15歲，在街邊車仔檔睇牛仔裙，有人係我後面迫迫下，我以為啲師奶想睇，咪騰過小小，佢又嚟，咁我知乜事嘞，於是本來右肩揹袋，換成左手，連袋帶一個批踭窩佢心口，全部人唔知佢乜嘢事走夾唔抖，淨係我知佢痛到飛街。

又試過坐巴士，咁我都唔係好敢嗌，於是打比人，話比對方知，我知佢咋瞓摸我，咁隻色狼就立即停手，我落車仲大大力咁踩佢一腳，佢“ad”都唔政“ad”呀！

另外又試過我問番佢，你摸夠未呀？佢立即走人。

姊妹們，有啲人衰到會聲大夾惡咁話番我哋轉頭，仲侮辱我哋話叫我哋照吓自己個樣，點會非禮我哋咁話。但千祈唔好比佢哋嚇窒，有咁快得咁快報警，最好留住佢，咪比佢走甩。