腳趾旁邊的肉會有肉芽生長,要去看什麼醫生.一般要多少錢?(急)

我都試過ar(兩次ar，分別兩隻腳)，一次就去睇普通的私家醫生，佢寫紙比我去公立醫院排期，都唔係排左好耐就做手術la，一次手術搞掂，不過就要日日去洗傷口，同埋可能o個次醫生落唔夠麻醉藥，都幾痛(不過如果同醫生講定先，應該就無問題la)。
第二次，去左賽馬會睇夜診(貪佢小人d，唔使等幾個鐘先有醫生睇)，醫生又係寫紙比我去醫院專科，足部診療科 (之前o個次係直頭排外科，做日間手術)，專門d。但係呢次就唔係好似上次咁一次ok，搞左幾次(成幾個月)，每次都係隔幾個禮拜覆診一次，將倒甲部份整走(都係要日日去洗傷口)(同埋佢無用麻醉藥，不過痛的程度可以接受)，直至覆診時無發現有倒甲，不過治療師都建議覆診得幾次都唔好的話都要做手術。
我覺得第一次好d，因為淨係一次手術，痛一次就ok，唔使拖咁耐。
價錢方面，係公立醫院做手術都唔使$100

去醫院...如果去政府急症你至少等半日先睇你又要俾$100
去街症門診, 你又要早過D阿婆阿伯去law籌
其實去睇外科專科o既私家大夫就最好, 大夫可以在診所幫你取出倒甲, 但叫專科, 一般都over五百, 出名o既就更加貴la, 尤其中環那些出名醫生大廈...
其實好多一般普通全科私家大夫都識, 無信心可以打個電話問下診所姑娘先, 佢又見你唔到, 不用怕醜, 一般都係around五百內
雖然破財, 但雙腳日日都要行, 快D去睇la, 一陣唔覺意發炎, 手尾仲長, 有排你痛...
乖乖睇大夫
祝你快D好!