同屋企人d關係愈來愈差...點解決好?

睇黎其實你係想同屋企人盡快修好，係咪？
你成日出街，其實你係想多 d同朋友一齊又或是想到街上睇睇，湊湊熱鬧(我唔知你出街做咩啦)
你屋企人愈想你唔好出街，愈迫你，你就愈諗方法出街。其實係可以理解ge，因為你覺得佢地好煩，唔明你諗咩，同埋好長氣，所以你想走出去又或者等佢地訓晒先返去，係咪？
「屋企人好擔心你會學壞」呢一句，我想知咁你係咪唔認為自己學壞呀??如果你係咁諗，你有無同佢地講下呢？你試下諗：佢地點解會咁諗呢？係咪因為佢地唔知我係出面做咩，所以會不斷猜測我係出面做過咩呢？
你都講左你唔想同佢地噪，(我認為你屋企係唔只你爸爸﹑媽媽，應該仲有兄弟姊妹)但有時又避都避唔到，咁係咩意思呢？
咁係咪代表你好想解決呢個問題，又唔肯正視呢個問題呢？
世上無事事如意ge 事，你想兩者都有，係你自己去平衡
同朋友出街係可以，但有時係要諗下屋企，佢地都唔係煩你ge，你可以換一個角度諗：佢地係咪驚我有咩事呢？
或者我唔可以話佢地同你講野ge 語氣係好好，但你自己呢？又用左咩態度？咩語氣？咩身體語言同佢地溝通呢？
我相信你自己知點點做，你自己會識點搵個解決方法出黎，欠係你有無個份勇氣去面對或用另一個態度去面對家人
真心想改，係要行出一步你依家認為令到你尷尬ge 一步
唔好令問題惡化，你問得出呢條問題，証明左你行緊，行埋佢啦~~
加油

首先呢?!我覺得你首先要明白屋企人先啦~
o係佢地的角度黎講,佢地真係好擔心你~
一黎驚你學壞,二黎又怕你比人呃喎~
所以你要明白同埋體諒佢地的心情~

跟住你可以同你的屋企人講你真係好想去出街~
講比佢地聽大約幾點返~
又或者返屋企前打個電話比屋企人知你返緊屋企~
錦樣佢地就會放心d啦~

至於你好想出街~
結果就成日都嘈大交~
其實錦樣只會令屋企人更加唔比你出街~
而且更加反感~你應該同佢地解釋~

首先你是否要伸手同屋企要錢駛個種人?答係既就要乖乖听話少出為妙要明白屋企人才是你的親人,你d fd不用問就知是一邦狐朋狗友而己!如果你做野,自已有收入,可以暫時搬出去听你咁樣問,估到你不會超過十七歲,有個折衷方法:帶番幾個似樣的去你屋企,俾阿爸阿媽見過、記住千萬不可帶男仔來!你阿媽惊你俾人食左只豬!然后同屋企人講好最多隔日出街,而你班fand見到你咁處境,出少次都唔會怪你啦!知冇?試下!

我唔知你而家幾大丫，我諗我都係大你少少，既然你都知道家人對你咁勞噪都係出於關心，咁你係咪好應該體諒下佢地呢？其實細個戈陣點解d大人會對d細既管得咁緊要，係因為驚你識咗d壞人，唔知你自己覺唔覺？有時候你會聽朋友既說話多過家人gel呢？因覺得d朋友講說話啱聽，大家都係抱住一個心態，d大人都唔明白我地想做乜？但係你又有無諗過？你屋企人生得你出，佢點會無經過你呢個年紀既人生階段丫，同埋你出親街，我諗都係夜晚去disco到蒲gala！咁佢地話你都好正常既(同埋你自己識揾錢養頭家未先)。
雖然大年紀唔同，諗野通常都會有一定既差距，但係佢地既目的都係只有一個，想你地平平穩穩咁生活啫！有時有人哦你都好過無人哦你，老土d講句，今日唔知聽日事，趁而家仲有人可以哦你或者比你關心，真係要好好珍惜呀！有時要學識忍耐，當你屋企人話你時，你要控制下你既EQ，諗下你自己都知佢地係為咗關心你而哦你，咁你自己咪收下聲唔到同佢地嘈law，但係你又咁想出街，咁你咪試下冷靜d同你屋企人講，你自己想點，盡量將自己表現得成熟一點，唔好成個細路仔咁，郁d就發脾氣，明無？
雖然可能我今日講d野你完全都聽唔入耳，但係我作為你一個有緣人，都好想同你分享下，因為我個人係真係以孝為先(我以前唔係咁架)，因為一個人唔識孝順，就算佢幾叻都無用，今日講住咁多先，如果真係可以幫到你就最好la。

將你的朋友介紹比屋企人識！
叫他們上你家一同溫習，吃飯
有時後生仔女反叛好正常，家人關心你又好正常
大家多點談談，有幫助的

講多d有關你朋友既野俾屋企人知...等佢地知道你同緊d咩人一齊...
又或者講多d你地平時去街所見所聞....等屋企人知道你去街會去邊d地方多...了解多d...就可以溝通多d...對你信心都會大d架....
另外...你要令屋企人知道...你明白屋企人既苦心....佢地同你嘈都係因為緊張你者...你話佢地知: 你明架...不過...人大左...自然想出去外面見識多d....對外面好有憧憬...好好奇...而且留係屋企又悶呢....所以成日想去街....(等屋企人明白你呢個年代既年青人心態....方便溝通嗎)
最後...你可以同屋企人協議....每晚唔超過邊個時段返屋企...同埋去邊度幾時返...呢d資訊會係出街之前通知聲佢地...當係對佢地一個交代又好...一個尊重又好啦....

咁樣會唔會好d呢?!

你有心面對呢個問題,已經向成功踏前一步.
請想一想人為何唔比你出街,(因怕你學懷)
家人對你的擔心是否合理?
你可以點做,家人又不擔 心你,請和家人溝通.
出街時告知家人做什麼,讓他們了解事情,不宜毎次都嘈大交.
希望幫到你.