洗面用咩水？

清潔唔夠, 食太多熱氣野, 唔夠sleep, 荷爾蒙唔平衡...都會令你出痘痘,
你都話自己幾嚴重, 我建議你去睇醫生, 以下第10點我會講。

1. 每天早、晚徹底清潔, 如有化妝, 你試下kose那隻卸妝液, 幾好,
but 如果你真係太油, 我建議你暫時唔好化妝。
卸妝後如覺仲係唔乾淨, 再用多次卸妝液, then 就可以用雪完美洗面。
雪完美去痘痘幾好架!!

2. 洗完面後, 你塊面好乾, 唔該敷個保濕mask,
regene, neutrogena, sofina 都唔錯,
如果你唔用d敷過夜的mask, 敷15mins 好喇,
if 敷過夜好容易會增加細菌感染機會, 易出暗瘡。

3. 用收縮水or 爽膚水, 雪完美有隻調理水, 我妹用緊, 幾好。
但有皮膚科醫生曾經講過, 收縮水or 爽膚水其實效用不大, 所以我冇用。

4. 位元堂的燕窩強效保濕面霜, 我覺得幾好, $118-- 45g.

5. 一星期去一次美容院大清一次, 因為你咁多油好容易阻塞毛孔, 出痘痘,
if 你只是多油, 而唔太多痘痘, 你可以做普通皮膚護理course就ok.
美容師大多都會sell 你叫你買野,
唔該做個精明的消費者, 睇住自己個荷包買野, ok?

6. 多喝水, 多吃水果, 戒食煎、炸食物, 有適當運動但避免晒太陽。

7. 放鬆心情, keep 住足夠睡眠, 一星期換一次枕頭袋。

8. 如果你有染髮 or 用定型水等產品, 盡量避免頭髮同面部有過多接觸。

9. 叫亞媽煲d 涼茶e.g.菊花茶、夏枯草...
甚至如果你受得可以食d 龜苓膏都有幫助。
OR 買$2生、熟意米煲水飲, 用意米水代替水, 但唔可以加任何調味.
又係連續飲一個月, 連暗瘡印都冇晒。

10. 你可以去睇醫生, 醫生會俾d消炎暗瘡你 or 藥膏你,
但都可以要搽一星期先見效, 而且皮膚會脫皮&變薄。
如果你嚴重, 可能要食消炎藥, 一個療程要3-4 months,
如果同荷爾蒙有關, 仲要食埋荷爾蒙藥, 但係女仔食得, 男仔唔食得,
都係3-4 months為一個療程。

11. 現時最有去暗瘡印的方法係做彩光、激光 or lascer treatment。
彩光around$3000-4000一次, 每隔3-4wks 做一次, 要連續做4-5次少見效。
激光一次搞掂, 都$3000-4000一次, 但比彩光傷害性大, 有傷口, 要小心處理。
兩樣有一定的副作用, 但都可以在最短時間解決色斑、暗瘡印、凹凸洞的煩惱。
最好去皮膚科醫生做 or 卓悅都唔錯。

12. 用新鮮蘆薈中的黏液做mask, 每天都要做. 而蘆薈肉混蜂蜜水一齊食.
連續一個月就會好番. 因為蘆薈本身可以消炎、保濕&去印。

應該用微暖帶涼的水洗面。即係用雙手試水,感到不凍又不太暖的水溫。
用完呢種微暖帶涼的水洗面,再用感到凍的水潑多幾次臉。一來可以把毛孔稍為收細,而且可增加皮膚的張力。保持皮膚的彈性。

切記不要用熱水洗面,甚至沖涼洗頭,因太熱的水會傷害刺激到皮膚。把皮膚上的油份與水份也過份帶走。皮膚就會變得越來越乾燥~~
水油平衡狀態保持得好,很多皮膚問題就會自然消失。

以上解答,希望能夠幫到你~~~~^^

應該用暖水, 可以洗去面油.
一定不可以用熱水, 對皮膚唔好

洗面用凍水,,仲有個幾work既方法,,就係用洗米水,,你洗完米之後用番d洗米水洗面,,有d潤同清潔既功效架,,
我都試過

應該用凍水掛

洗面用凍水

洗面應用凍水洗, 冬天亦是, 因為熱水或暖水會令皮膚變乾, 唔好以為用熱水或暖水洗面好似乾淨d, 去晒d油好爽, 因為皮膚乾會令面油增加, 切記~