請大家俾Ｄ意見, 你地應為點做?

老土d講句 - 感情係唔可以免強ge.

第一你要諗吓, 你地點解會一齊?
因為感覺? 因為個樣? 因為無人陪?

第二, 佢有D咩直得係咁樣去挽留. 諗清楚...佢同你一齊對你好唔好?
有無風度?就唔就你? 你有無同佢有性關係? 有ge~係之前同之後對你ge態度有無分別?
如果無~當然就無問題la.

每樣野都要諗清楚. 如果個男仔係唔值得你去挽留ge,
無謂攪到自己咁cheap丫, 女仔黎ga ma.

咁落去~傷ge只有係你自己咋.知道ma?

2006-12-08 13:45:14 補充：
好彩你無同佢發生關係,唔係你就輸晒LA我覺得而家開始你唔好再搵佢等佢覺得點解你無再煩佢男人係咁ga,如果你係咁打比佢第一佢會覺得你煩,第二比有送上門ge感覺,第三佢覺得你無咗佢唔得.所以你要當佢唔存在.我知咁樣係好難,但你一定要忍如果幾個星期之後佢自動打比你,就即佢在乎你但唔好比佢知道你重想同佢一齊,要對佢冷淡d開頭只可以佢打比你,你唔好打比佢.其他野之後先算.如果佢一路都唔打比你,講真佢已經唔在乎你就算真係比你挽留到,佢都唔會好似以前咁對你,咁又何必要自己再傷心多次呢?搵過個識得珍惜你ge重好la.

比大家一d時間冷靜下啦, 這段時間應該識多d朋友. 以後既事見步行步啦(順其自然), 最緊要青春無悔呀, 小朋友.

既然你都對佢作出挽留, 但佢都拒絕左，你再去搵佢，你只會令佢討厭你架咋。
係你係好鍾意佢，但係你都需要比空間你地兩個，你唔可以迫架。
或者試下唔好搵佢呀，天氣凍左就send個sms比佢叫佢著多件衫，但係你唔可以成日send！
不過好老實講啦，你男友都講到明啦，其實都好難，我怕你做得太多令佢討論，到時我都唔知你可以點﹗
做好自己，好女人自然有人要架嘞~

男人變咗心,好難會返轉頭,就算你要生要死,或者做任何討佢歡心嘅事都無用,只會俾佢感覺你無咗佢唔得....仲會覺得你煩住佢潻!咁點解要做到自己咁cheap啫,你又唔係無咗佢唔得,雖然你話你唔想放棄呢段感情,但係佢放棄咗喎,即係佢唔珍惜喇,咁呢個男人要唔要都罷喇!!你又咁後生,你驚無人要你咩?
我建議你將呢段感情放喺心底,作為日後回憶,重新過返d新生活,接觸吓其他異性,享受吓俾人追嘅感覺,你知唔知俾人追嘅感覺係好開心架,有人將你好似公主咁樣對待喎,過癮到不得了,到時你就會忘記咗呢個唔識珍惜你嘅衰人架喇!!
始終被愛係幸福過愛人,你要有呢個概念,咁你就會開心d,幸福d,女仔係應該俾男人錫,俾男人寵架嘛....係咪?
講真吖,佢話對你無咗當初嘅感覺,因了解而分手,呢d都係一般男人嘅籍口,其實係個男人對你厭咗,無咗新鮮感,而你又俾唔到d咩驚喜佢,咁佢咪唯有用呢個籍口嚟撇你囉!!有d男人好長情,有d男人貪新鮮,睇你好唔好彩遇到邊類嘅男人囉,咁都要自己帶眼識人,睇清楚個男人係邊一類先至好同佢開始,呢d要靠你自己嘅經驗同埋眼光喇.
我曾經都經歷過同你一樣嘅case,佢對我變咗心,我做咩都挽留唔到,到尾又係自己傷心,到而家諗返起,點解當初咁傻,為咗一個咁嘅男人攪到自己咁唔開心.我而家嘅生活比起同佢一齊嘅時候好咗好多,有次佢見到我仲問我可唔可以做返朋友,咁你話分開係唔係一件唔好嘅事呢?