拆開電槍的波箱有什麼地方要注意？

其實最難係拆氣槍既外殼, 因為為左像真個膠殼好多時係一塊過既,
唔小心亂拆就會整爆個外殼咁就大鑊.
不過當你打開左個殼之後, 就大同小異.
首先先了解支槍既摩打係唔係係個波箱入便.
(好似mp5, m16等都係收係手柄度, 而好似FA-MAS既就連係波箱入便)
如果係分開既就先將摩打拎出黎, 唔係既話就直接將電線分離就OK
之後, 波箱放係枱度, 會見到縲絲頭, 你要買一支"星批",
因為佢唔係普通縲絲批. 拎開佢就可以預備之後既問題
慢慢 (係慢慢) 將蓋分離, 呢個時候入便條彈弓會彈出黎,
如果開得太大咪會週圍射囉. 唔係既話只係O的齒輪離左位,
之後就可以移走個蓋.
入便既結構係:
一個氣泵(彈弓+氣筒+拍頭連固定用既東東)
三個齒輪 (一個駁摩打, 一個做中間, 一個搞個氣筒)
(另外仲有好多bearing用作順滑之用)
係咁簡單咋. 事實上要改威力只要將齒輪, 彈弓, 氣筒等換左佢就ok,
市面上既補品都可以做到.
要做保養就係入便加入潤滑油, 唔好用五金舖既雪油好似太杰,
搵隻俾佢稀少少既就ok.
貴少少買槍廠出既所謂"專用既" 都ok

2006-12-07 23:54:40 補充：
呀我拆野研究既經驗比較豐富,所以好似好簡單, 不過你最好都係有朋友一齊.因為入便可能有一兩條彈弓係用黎固定一o的細既parts,如果可以既話用袋或其他東東防止細part飛走.